تورکیه فوتبال سوپر لیگی قهرمان گالاته سرای نینگ بیلله شووی بیلن باشلنه دی

سونگی قهرمان گالاته سرای سوپر لیگده 2019-2020 فصلی ایلک بیلله شوویده یوکاتیل دینیزلی سپورت بیلن اوچره شه دی.

دینگیزلی آتاتورک استدیومیده ایرته گه 16 – اگست جمعه کونی تورکیه وقتی بیلن ساعت 20:30 ده افغانستان وقتی بیلن ساعت 22:00 ده باشلنه دی. مسابقه نی حکم عبدالقدیر بیتیگن آلیب باره دی.

مسابقه ده گالاته سرای نینگ مربیسی فاتح تریم بیلن مربی اورینباسری حسن شش اوتگن ییلدن قالگن جزاسی باعث اورین آلالمه یدیلر.

گالاته سرای نینگ یولدوز فوتبالچیسی صوفیان فغولی بویرک تاشی عملیاتی اوتکزگن ایدی.