روسیه طرفدارلری حادثه سی بحرانگه باعث بولدی

روسیه طرفدارلری حادثه سی بحرانگه باعث بولدی

اورپا فوتبال کپ مسابقه لری اوچون بارگن روس وطنداشلری نینگ نظارت آستیگه آلینگن لیگی باعث فرانسه نینگ مسکو بویوک ایلچی سی روسیه نینگ تشقی ایشلر وزیرلیگی گه چقریلدی.

وزارت نینگ بیاناتی گه کوره فرانسه نینگ مسکو بویوک ایلچی سی جون موریس، لیل شهریگه باره یاتگن روس طرفدارلرنی فرانسه خوفسیزلیک کوچلری تمانیدن نظارتگه آلیگن لیگی و روس دیپلماتلرگه حادثه حقیده خبر بیریلمه گن لیگی بیلن علاقه لی چقریلدی.

اوچره شوو ده نظارت گه الینگن روس وطنداشلری حقیده آلیب باریله یاتگن تحقیقات نینگ تیزلیکده توخته تیلیشی و اورپا فوتبال مسابقه لری چوکاتیده روسیه گه قره ته فعالیت آلیب باریلگن لیگی نینگ روسیه - فرانسه مناسبتیگه ضرر بیررلیگی اورغولندی.

روسیه تشقی ایشلر وزیری سرگی لاوروف موضوع بیلن علاقه لی فرانسه لیک تینگداشی جون مارک آیرو گه تلفون ارقه لی شونقه حادثه لرنینگ تکرار بولمه ییشینی تأکییدله گن ایدی.

فرانسه لیک اداره چیلر مارسیلیا و نایس کوچه لریده یوز بیرگن حادثه لر ارتیدن روس طرفدارلر اوچون خاص تدبیرلر الینشی کیرک ایکن لیگینی بیان ایتگن ایدی.

فرانسه باش وزیری مانویل والس زوروالیک که اره لشگن طرفدارلرنی فرانسه توپراقلری ایچیده قالمس لیکلرینی سوره گن ایدی.

فرانسه پولیسی مارسیلیا یقینیده روس طرفدارلرنی تاشیه دیگن بیر اوتوبس نی توخته تیب 6 کیشینی فرانسه دن چقریش اوچون نظارت آستیگه آلگن ایدی.

شنبه کونی یوز بیرگن حادثه ده کوپراغی انگلستانلیک 35 کیشی یره لنگن ایکن، توقنه شووگه اره لشگن 10 کیشی مارسیلیا ده 2 آی بیلن بیر ییل آره سیده قماق جزاسیگه محکوم ایتیلگن ایدی.