اروپا ده گی فتبال مسابقه لری شنبه گون نتیجه سی

اروپا ده گی فتبال مسابقه لری شنبه گون نتیجه سی
اسپانیا فتبا لیگی لالیگا ده گی مسابقه لر ده شنبه گون آلینگن نتیجه لر انه شولردن عبارت دیر:
اوتگن هفته قیزیل کارت کوریب مسابقه نی ترک ایتگن کریستیانو رونالدو بولمه گن حالده ریال مادرید اوز رقیبی ریال سوسیدادنی 4-1 مغلوب ایتدی. ریال مادرید نینگ گوللرینی 3 نچی دقیقه ده گرید بالی، 37 نچی دقیقه ده سرجیو راموس، 52 نچی و 76 نچی دقیقه ده کریم بینزما آتدی. ریال سوسیداد نینگ گولی نی ایسه 38 نچی ثانیه ده ایلستوندو آتدی. بو نتیجه بیلن ریال مادرید تیمی اوز نمره سینی 51 گه چیقاریب قیدی.
اتلتیکو مادرید تورکیه لیک فتبالچی سی ارده توران بولمه گن حالده اوز رقیبی ایبرنی 3-1 مغلوب ایتدی. ایبر نینگ گولینی 89 نچی دقیقه ده گیاکرّی آتر ایکن، اتلتیکو مادرید نینگ گوللرینی 7 نچی دقیقه ده گریزمان، 23 و 25 نچی دقیقه ده منزوکیچ آتدی.

آلمان لیگی بوندس لیگا
آلمان نینگ مشهور تیمی بوریسیا دورتمونت اروگا شمپونس لیگده جده یخشی نتیجه لر آلیب بارماقده دیر. بیراق اوز لیگی بوندس لیگاده او موفقیت گه ایگه بولمه ی روخطنی اینگ اخیریده اوز اونینی آلیب تورگن دیر. بوگونگی مسابقه ده اوز رقیبی بایر لیورکوسن بیلن 0-0 برابر گه قالدی.
انگلستان پریمر لیگ
انگلستان پریمر لیگ ده چلسی کوچلی رقیبی منچستر سیتی بیلن 1-1 بربرگه قالدی. چلسی نینگ گولینی 41 نچی دقیقه ده لوایس ریمی، منچستر سیتی نینگ گولینی 45 نچی دقیقه ده داوید سیلوا آتدی.
منچستر یونایتید اوز رقیبی لیکستر سیتی نی 3-1 مغلوبیتگه اوچره تدی.
لیورگول ایسه رقیبی ویست هام نی 2-0 مغلوب ایتدی
هالند لیگی
هالند فتبال لیگی روی خطی نینگ بیرینچی اورینی نی آلیب تورگن پی سی وی ایندیون رقیبی ویلم تیمی نی 2-1 مغلوبیتگه اوچره تدی.
ایتالیا لیگی سری ای A
روم اوز رقیبی ایمپولی بیلن 1-1 برابرگه قالدی.
جینوا بیلن فیورانتینا نینگ مسابقه سی هم 1-1 برابر لیک بیلن یکونلندی.