آسیا فتبال مسابقه لریده یریم فینالیستلر بیللی بولدی

آسیا فتبال مسابقه لریده یریم فینالیستلر بیللی بولدی
آسیا فتبال فدراسیونی Asian Football Confederation مسابقه لری آسترلیاده دوام ایتیب بارماقده دیر. بیراق تناون پنج شنبه آسترلیا – چین و اوزبیکستان – جنوبی کوریا آره سیده اوینلگن ایکّی مسابقه بیلن دوام ایتدی.
آسترلیا چین اولکه سینی تیم شیل نینگ 48 و 65 نچی دقیقه لرده گی آتگن گوللری بیلن 2-0 مغلوبیتگه اوچره تدی. آسترلیا اولکه سی اوشبو غالبیت نتیجه سیده یریم فینالگه چیقیشگه موفق بولدی.
خودی منه شونده ی بولیب ایکّینچی مسابقه ایسه جنوبی کوریا بیلن اوزبیکستان آره سیده بولیب اوتدی. اوشبو مسابقه نینگ 90 دقیقه سی 0-0 برابرلیک بیلن یکونلندی. بیراق ایکّی تیم دن بیرته سی نینگ موفق بولیشی اوچون یریم ساعت اضافه وقت نی اوینه لیشی کیره ک ایدی. اوشبو یریم ساعت لیک اضافه وقت دوامی ده جنوبی کوریا اوزبیکستاننی سون هینگ مین تمانیدن 104 و 119 نچی دقیقه لرده آتیلگن قوللر نتیجه سیده 2-0 مغلوب ایتدی. اوشبو نتیجه دن کیین جنوبی کوریا آسترلیا قطاری یریم فینالگه چیقیشگه حق قازانگن بولدی.

قالگن ایکّی یریم فینالیست ایسه بوگونکی ایکّی مسابقه نتیجه سیده بیللی بولیشی کوتیلماقده دیر. بوگون ایراق - ایران و جاپان - بیرلشگن عرب ایرلیک لری آره سیده گی مسابقه لر نتیجه سیده بیللی بوله دی.