پاکستان ده کوچلی یامغیر لر عاقبتیده حیاتی نی یوقاتگن لر سانی 937 نفر گه ییتدی

پاکستان ده 14- جون دن بیری دوام ایتیاتگن کوچلی یامغیر لر سببلی حیاتی نی یوقاتگن لر سانی 937 نفر گه ییتدی. 

حیاتی نی یوقاتگن لرنینگ 343 نفری باله لر و 198 کیشی سی ایسه عیال لردن عبارت بولگن. 

مسئول لر, سوو تاشقین لری نینگ 30 میلیون کیشی گه تاثیر قالدیرگن لیگی و اوشبو کیشی لرنینگ اکثریتی نینگ اوی لری نی ترک ایتگن لیک لری نی بیلدیردی. 

توپلم 670 مینگ 328 اوی خساره مند بولرایکن, 145 کوپریک ایسه ویران بولدی. 

عینی دمده سوو تاشقین لری 3 مینگ 82 کیلومترلیک یول گه هم ضرر ییتکزدی. 

پاکستان ده, مونسون یامغیر لری سببلی فوق العاده حالت اعلان قیلیندی. 

وزیر لر کینگشی اعضا لری بیلن جنرال لر, سوو تاشقین لریدن تاثیرلنگن کیشی لر گه یاردم بیریش اوچون بیر آی لیک معاشی نی بغیشله دی. 

عینی دمده, پاکستان گه جهان بانکی 350 میلیون, جهان غذا پروگرامی 110 میلیون, آسیا رواجله نیش بانکی 20 میلیون و انگلستان ایسه 40 میلیون دالر یاردم بیره دیگن لیگی نی بیلدیردی.