تورکیه ده میمون چیچگی کسل لیگی کوریلمه گن لیگی بیلدیریلدی

تورکیه جمهوریتی ساغلیک نی سقلش وزیری فخرالدین کوجه تورکیه ده میمون چیچگی کسل لیگی حادثه سی نینگ کوریلمه گن لیگینی بیلدیردی.

ساغلیک نی سقلش وزیری کوجه پایتخت انقره ده جایلشگن تورکیه بویوک ملت مجلیسیده قیلگن صحبتیده سونگگی پیتلرده دنیا مقیاسیده یوزه گه چیققن میمون چیچگی کسل لیگی حقیده معلومات بیردی.

کوجه "کیره کسیز تشویش بولمس لیگی کیره ک. کسل لیک نینگ بیر پاندمی گه ایلنیشی گه ایشانمه یمن. بیزده میمون چیچگی کسل لیگی کوریلگن یوق. بولگن تقدیرده همجمعیت گه بیلدیره میز" دیدی.

وطنداشلرنینگ کیره کسیز تشویش گه بولمس لیگی کیره کلیگینی تاکییدله دی.

کوجه جنابلری "چیچک کسل لیگی واکسینی تاثیری نینگ 80-85 فایز ایکن لیگینی بیله میز. شونده ی بولیب چیچک کسل لیگی برطرف بولگن 1970 ییلیدن بیری واکسین ایشلب چیقریلمه یاپتی. بیراق امریکا قوشمه ایالتلری طبی لایحه سی گه بناً او پیتلرده یوق قیلیب تشلشی کیره ک بولگن ویروس نی سقلب قالدی" دیب ایتدی.