قندوز ولایتیده خوفسیزلیک کوچلری بیلن طالبان اورته سیده توقنه شوو یوز بیردی

افغانستان نینگ قندوز ولایتی دشت ارچی اولسواللیگیده طالبان گروهی امنیتی پوسته لر گه حمله قیلدی. 

اوشبو حمله آرتیدن ایسه خوفسیزلیک کوچلری بیلن طالبان گروهی منسوب لری اورته سیده توقنه شوو یوز بیردی. 

خوددی منه شوو حادثه توناوکون کیچه یوز بیررایکن, اوشبو حادثه عاقبتیده خوفسیزلیک کوچلریدن تورت کیشی جان بیررایکن, ایککی نفر ایسه یره لندی.

اوشبو مطلب نی بوگون (سه شنبه) ایرته لب قندوز ولایتی مطبوعات دفتری بیلدیردی. 

رسمی لر, طالبان نینگ دشت ارچی بازارده امنیتی پوسته لر گه حمله قیلگن لیک لری نی بیلدیررایکن, یوز بیرگن توقنه شوو لر نتیجه سیده کمیده 7 نفر طالب جنگری سی نینگ هم هلاکت گه  اوچره گن لیگی و 5 طالب نینگ ایسه یره لنگن لیگی نی معلوم قیلدی.

اوشبو توقنه شوو لر طالبان تامانیدن اعلان قیلینگن اوچ کونلیک (هییت بیره می کونلریده) آتش کیسین آرتیدن خوفسیزلیک بیلن طالبان گروهی اورته سیده گی بیرینچی اوروش دن عبارت ایکن لیگی بیلدیریلماقده.