افغانستانده داعش نینگ مهم قوماندان لری اولدیریلدی
خودی منه شوو داعش قوماندان لری نینگ افغانستان نینگ ننگرهار ولایتیده اولدیریلگن لیک لری بیلدیریلدی
افغانستان نینگ شرقیده جایلشگن ننگرهار ولایتیده جنگری لر بیلن خوف سیزلیک کوچ لری آره سیده یوز بیرگن توقنه شوو لر جریانیده داعش نینگ ایککی مهم قوماندانی جان بیردی.
ننگرهار ولایتی پولیسی, خودی منه شوو کیشی لرنینگ حسکه مینه اولسواللیگیده جنگری لرنینگ امنیتی پوسته لر گه حمله قیلیش لری آرتیدن یوز بیرگن توقنه شوو لر جریانیدن اولدیریلگن لیک لرینی معلوم قیلدی.
عینی دمده ننگرهار پولیسی تامانیدن بیریلگن بیاناتده, اولدیریلگن اوشبو کیشی لرنینگ بیری نینگ کمیده 20 کیشی نینگ قوماندانی بولگن هادی اسمی بیلن مشهور خوشحال دن عبارت ایکن لیگی قید ایتیلدی.
اولدیریلگن ایککینچی داعش قوماندانی نینگ اسمی نینگ ایسه اسرائیل ایکن لیگی معلوم قیلینرایکن, خودی منه شوو توقنه شوو لر جریانیده عینی دمده تورت داعش منسوبی نینگ یره لنگن لیگی بیلدیریلدی.
بیراق, اوشبو خصوصده داعش نینگ اوزی تامانیدن ایسه هیچ قنده ی بیر بیانات بیریلمه دی.
