هلمند ده گی انفجار عاقبتیده جان بیرگن کیشی لرنینگ سانی اونلب نفرگه کوتریلیب کیتدی
اوشبو حادثه کابل بانک نینگ لشگرگاه شعبه سی گه یقین بیر جایده یوز بیردی
757955
افغانستان نینگ هلمند ولایتیده کابل بانک گه یقین بیر جایده منفجره مواد یوکلنگن بیر عراده موتر انفجار ایتتیریلدی.
کابل بانک نینگ لشگرگاه شعبه سی گه یقین بیر جایده یوز بیرگن اوشبو حادثه عاقبتیده اونلب کیشی جان بیردی.
هلمند ولایتی سوزلاوچیسی اوشبو خبر نی تائید ایترایکن, خودی منه شوو حادثه عاقبتیده کمیده 25 کیشی نینگ جان بیرگن لیگی نی بیلدیردی.
سوزلاوچی, عینی دمده حادثه عاقبتیده 50 کیشی نینگ یره لنگن لیگی نی بیلدیررایکن, انفجار نینگ یوزلب کیشی نینگ بانک دن معاشی نی آلیش اوچون توپله نیب تورگن پیتده یوز بیرگن لیگی سببلی تلفات میزانی نینگ آرتیب کیتیشی نینگ ممکن ایکن لیگی نی معلوم قیلدی.
