امریکا ده مسلمانلر مرکزی ده یانغین حادثه سی یوز بیردی
اوشبو مرکز نینگ ملا امامی نینگ اوغلی احسان زاهد, تحقیقات لرنینگ تکمیل بولمسدن آلدین اسلامفوبیا حقیده گپیریش نینگ توغری بولمیدیگن لیگی نی بیلدیردی
امریکا قوشمه ایالت لری تگزاس ایالتی هوستون شهری ده مسلمان لر مرکزی ده یانغین حادثه سی یوز بیردی.
آلینگن معلومات لر گه کوره, هوستون اطفائیه سی نینگ مسئول لری قبا نامیده گی مسلمان لر مرکزی ده یوز بیرگن اوشبو حادثه نینگ سببی توغری سیده تحقیقات آلیب بارماقده.
اوشبو مرکز نینگ اوزی تمانیدن بیریلگن معلومات لر گه کوره, یانغین حادثه سی هوستون وقتی بیلن جمعه کونی ایرته ساعت ۵ ده مرکز نینگ ۳ نچی قواتیده باشلب کیتگن.
خودی منه شو مرکز, اوشبو یانغین حادثه سی نینگ قیسقه بیر مدت کیین مرکز نینگ همه تمانی گه سرایت قیلگن لیگی نی بیلدیردی.
مرکز نینگ همه تمانی یانیب کیترایکن, اوشبو ساعت نینگ اوزیده مرکز ده کیمسه نینگ موجود ایمس لیگی سببلی حادثه نینگ جانی خساره سی نینگ بحث موضوعی بولمه گن لیگی معلوم قیلیندی.
اوشبو یانغین حادثه سی نینگ اسلامفوبیا دایره سیده عمداً بولگن لیگی یاکه بولمه گن لیگی توغری سیده ایسه انیق بیر معلومات موجود ایمس.
