پاکستان ده باش وزیر شریف نینگ ینگی کابینه سی قسم یاد ایتدی

پاکستان نینگ مجلسیده بولیب اوتگن سیلاو نتیجه سیده ایککینچی مرته باش وزیر ایتیب سیلنگن مسلمان لیگی – نوازدان حزبی PML-N ییتکچیسی شهباز شریف نینگ کابینه سی قسم یاد ایتیب وظیفه گه باشله دی.

پایتخت اسلام آبادده گی جمهور رئیسلیک دفتریده پاکستان جمهور باشلیغی آصف علی زرداری نینگ باشچیلیگیده و باش وزیر شریف نینگ قتنشیشی بیلن قسم یاد ایتیش مراسمی اویوشتیریلدی.

شریف نینگ 19 وزیردن تشکیل تاپگن کابینه سی مراسمده قسم یاد ایتیشی نینگ آرتیدن اوز وظیفه سیگه باشله دی.

پاکستان ده ملی مجلس و ایالت مجلسلری اوچون 8 فبروریده بولیب اوتگن سیلاولرده سابق باش وزیر عمران خان نینگ حزبی پاکستان عدالت حزبی PTI قوللب – قوتلاوچی مستقل ملت وکیللری بیرینچی، سابق باش وزیر نواز شریف نینگ باشچیلیگینی قیلگن  مسلمان لیگی – نوازدان حزبی PML-N ایسه ایککینچی اورین نی آلگندی.

اونینگ آرتیدن 3 مارچ تاریخیده مسلمان لیگی – نوازدان حزبی PML-N باشلیغی شهباز شریف نینگ 201 رای آلیب ایککینچی مرته باش وزیر ایتیب سیلنگن لیگی بیلدیریلگندی.

پاکستان ملی مجلسی، پاکستان سناسی و 4 ایالت مجلسیده 9 مارچ تاریخیده اوتکزیلگن سیلاوده پاکستان خلق حزبی PPP و مسلمان لیگی – نوازدان حزبی PML-N مشترک کاندیدی آصف علی زرداری قیته دن جمهور باشلیغی سیلنگندی.