تاجیکستان بیلن قیرغزستان چیگره مسئله سی بوییچه کیلیشیب آلدی

تاجیکستان بیلن قیرغزستان, آره لریده بحث و مناظره لر گه سبب بولیاتگن چیگره نینگ ینه 1,1 کیلومترلیک بولیمی حقیده کیلیشیب آلدی. 

تاجیکستان ملی خوفسیزلیک دولت کمیته سی تامانیدن بیریلگن بیاناتده, اولکه نینگ شمالیده گی سُغد ولایتی گه باغلیق بوستانده, ایکله اولکه نینگ فعالیت گروپ لری نینگ ییغیلیش اوتکزگن لیگی بیلدیریلدی. 

گروپ لرنینگ ساحه ده گی فعالیت لری آرتیدن اورتاق چیگره نینگ ینه 1,1 کیلومترلیک بولیمی حقیده کیلیشیب آلگن لیک لری بیلدیریلگن بیاناتده, اوشبو موضوع توغریسیده پروتکل امضالنگن لیگی معلوم قیلیندی. 

بیاناتده, تامانلرنینگ قیرغزستانده بولیب اوته دیگن کیلگوسی ییغیلیشده ایکله اولکه اورته سیده بحث و مناظره گه سبب بولیاتگن چیگره نینگ قالگن بولیمی حقیده  هم فعالیت لرینی دوام ایتدیره دیگن لیک لری بیلدیریلدی. 

قیرغزستان بیلن تاجیکستان اورته سیده گی 972 کیلومترلیک اورتاق چیگره نینگ حاضرگی کون گه قدر تقریباً 90 فایزی گه تینگ بولگن 889,45 کیلومترلیک بولیمی حقیده کیلیشوو تامین ایتیلرایکن, اینگ سونگ 30- جنوری بیلن 5- فبروری کونلری آره سیده قیرغزستانده ییغیلیش اوتکزگن تامان لر, چیگره نینگ ینه 3,71 کیلومترلیک بولیمی باره سیده کیلیشیب آلیب پروتکل امضاله گن ایدی. 

اینگ سونگ میلادی 2022- ییل 14- سپتامبر کونی چیگره کیلیشماوچیلیگی سببلی تاجیکستان و قیرغزستان کوچلری اورته سیده توقنه شوو یوز بیررایکن, اوشبو حادثه عاقبتیده ایکله تاماندن اونلب کیشی حیاتینی یوقاتگن ایدی.