ایران ده یوزبیرگن پارتلش عاقبتیده کوپلب کیشی جان بیردی

ایران نینگ کرمان شهریده قاسم سلیمانی نینگ قبری نینگ یقینیده یوزبیرگن پارتلش عاقبتیده کمیده 25 کیشی حیاتینی یوقاتدی، 40 کیشی یره لندی.

ایران نینگ رسمی خبر آژانسی ایرنا خبر بیریشیچه، انقلاب محافظلری اردوسی قدس کوچی قومندانی قاسم سلیمانی نینگ 3 جنوری 2020 ده امریکا قوشمه ایالتلری تامانیدن بغدادده اویوشتیریلگن هجوم عاقبتیده اولدیریلیشی نینگ 4 – ییل لیگینی یاد ایتیش مراسمی اویوشتیریلگن یولده کیتمه کیت پارتلشلر یوزبیرگن لیگی بیلدیریلدی.

تقریباً 10 دقیقه آره سیده یوزبیرگن ایککی پارتلش حادثه سی عاقبتیده کمیده 25 کیشی نینگ حیاتینی یوقاتگن لیگی، 40 کیشی یره لنگن لیگی معلوم قیلیندی.

کرمان ده سلیمانی نینگ قبری هم جایلشگن قبرستان یولیده یوزبیرگن پارتلش نینگ کتته لیگی ویا سببی حقیده تفصیل بیریلمه دی. نشر قیلینگن تصویرلرده یاد ایتیش مراسمی گه قتنشگنلرنینگ قاچیشگن لیگی و امبولانسلرنینگ منطقه گه بارگن لیگی کوریله دی.

سلیمانی نینگ قبری هم جایلشگن قبرستان اورین آلگن مملکتی کرمان ده اویوشتیریلگن یاد ایتیش پروگرامی گه ایران نینگ کوپلب شهریدن مینگلب کیشی قتنشماقده.