پاکستانده انتحاری هجوم عاقبتیده کوپلب کیشی حیاتینی یوقاتدی

اوشبو حادثه خیبر پختونخوا ایالتیده یوز بیردی

2075714
پاکستانده انتحاری هجوم عاقبتیده کوپلب کیشی حیاتینی یوقاتدی

پاکستان نینگ خیبر پختونخوا ایالتیده منفجره مواد یوکلنگن بیر موتر نینگ امنیتی بیر نقطه ده پارتله تیلیب اویوشتیریلگن انتحاری هجوم و دیره اسماعیل خان منطقه سیده یوز بیرگن توقنه شوو لرده, 25 عسکر حیاتینی یوقاترایکن, 27 نفر جنگری ایسه تاثیرسیز وضعیت گه کیلتیریلدی. 

پاکستان اردوسی تامانیدن بیریلگن بیاناتده, خیبر پختونخوا نینگ افغانستان چیگره سیده گی دیره اسماعیل خان منطقه سیده, امنیتی بیر نقطه گه قره ته انتحاری هجوم اویوشتیریلگن لیگی بیلدیریلدی. 

هجومده 23 عسکر حیاتینی یوقاترایکن, 6 نفر ملیشه ایسه تاثیرسیز وضعیت گه کیلتیریلدی. 

عینی دمده, دیره اسماعیل خان گه باغلیق دره زنده و کلاچی قصبه لریده هم خوفسیزلیک کوچلری جنگری لر گه قرشی عملیات اویوشتیردی. 

دره زنده ده یوز بیرگن توقنه شووده 17 نفر جنگری تاثیرسیز وضعیت گه کیلتیریلدی. 

کلاچیده گی توقنه شووده ایسه 4 نفر جنگری تاثیرسیز وضعیت گه کیلتیریلرایکن, 2 عسکر حیاتینی یوقاتدی. 

پاکستان اردوسی, اوشبو جنگری لر نینگ قیسی تشکیلات گه اعضا ایکن لیگی حقیده معلومات بیرمه دی. 



علاقه لی ینگی لیکلر