پاکستان اردوسی تامانیدن بیر قطار جنگری تاثیرسیز وضعیت گه کیلتیریلدی

پاکستان نینگ خیبر پختونخواه ایالتیده خوفسیزلیک کوچلری بیلن یوزبیرگن توقنه شوو عاقبتیده 8 ته جنگری تاثیرسیز وضعیت گه کیلتیریلدی.

پاکستان اردوسی تامانیدن بیریلگن بیاناتده، خیبرپختوانخواه گه باغلیق جنوبی وزیرستان منطقه سیده خوفسیزلیک کوچلری نینگ قوراللی جنگریلرگه قره ته عملیات آلیب بارگن لیگی بیلدیریلدی.

یوز بیرگن توقنه شوو عاقبتیده 8 ته جنگری نینگ تاثیرسیز وضعیت گه کیلتیریلگن لیگی انچه قورال و مهمات نینگ قولگه کیریتیب آلینگن لیگی معلوم قیلیندی.

باشقه تاماندن پاکستان اردوسی اوشبو قوراللی جنگریلرنینگ قیسی گروپ اعضاسی ایکن لیگی بوییچه معلومات بیرمه دی.

پاکستان ده جاری ییلده اینیقسه خیبرپختونخواه و بلوچستان ایالتلریده ترورچیلیک هجوملری کوپه یگن وضعیتده.

اسلام آباد ترورچیلیک هجوملری نینگ افغانستان ده جایلشگن پاکستان طالبانی تامانیدن ریجه لنگن لیگینی و باشقریلگن لیگینی ادعا ایترکن افغانستان ایسه بو ادعالرنی رد ایتماقده.