ایران و هنگری تشقی ایشلر وزیرلری فلسطینده گی وضعیت حقیده سوزله شدی

ایران تشقی ایشلر وزیری حسین امیر عبداللهیان بیلن هنگری لیک کسبداشی پیتر سیارتو, ایکله اولکه اورته سیده گی مناسبت لردن تشقری فلسطینده گی سونگّی وضعیت حقیده هم صحبت قیلدی.

ایران تشقی ایشلر وزیرلیگی تامانیدن اجتماعی ترماق آرقه لی بیریلگن بیاناتده, عبداللهیان نینگ, تلفن آرقه لی, هنگری لیک کسبداشی سیارتو بیلن سوزلشگن لیگی بیلدیریلدی. 

صحبتده, هجوملر سببلی غزه ده گی وضعیت نینگ یمانلشگن لیگینی معلوم قیلگن عبداللهیان, اسرائیل نینگ, غزه ده گی انسان لرنی بمباردمان قیلیب و اولدیریب انسان حق لری و خلق ارا حقوق نی انیق روشده پایمال قیلگن لیگینی بیلدیردی.

عبداللهیان, اسرائیل نینگ غزه گه قره تیلگن هجوم لری نینگ زود لیک بیلن توخته تیلیشی, عاجل و شرطسیز آتشکیسین نینگ اورنه تیلیشی و غزه خلقی گه بشری یاردم لرنینگ ییتکزیب بیریلیشی بوییچه امکانیت نینگ تامین ایتیلیشی اوچون خلق ارا جامعه نینگ باسیم قیلیشی کیره ک ایکن لیگینی اورغوله دی. 

ایران بیلن هنگری اورته سیده گی مناسبت لرنینگ رواجلنگن لیگینی بیلدیرگن عبداللهیان, مشوره لرنینگ دوام ایتدیریلیشی نینگ ایکله اولکه اورته سیده گی مناسبت لرنینگ رواجله نیشی جهتی دن فایده لی ایکن لیگینی معلوم قیلدی. 

هنگری تشقی ایشلر وزیری سیارتو هم ایران بیلن هنگری اورته سیده گی مناسبت لرنینگ رواجله نیشی نینگ برچه ساحه لر بوییچه دوام ایته دیگن لیگی و تشویق ایتیله دیگن لیگینی امید ایتیاتگن لیگینی ایسله تیب اوتدی. 

سیارتو, اولکه سی نینگ فلسطینده گی سونگّی ینگیلیک لر بیلن علاقه لی سیاستی حقیده گپیردی.