اورته آسیا - امریکا قوشمه ایالتلری دولت رهبرلری اوچره شووی بولیب اوتدی

قزاقستان، اوزبیکستان، قرغزستان، تاجکستان و تورکمنستان بیلن امریکا قوشمه ایالتلری دولت باشلیغلری قتنشگن 5+1 اورته آسیا – امریکا قوشمه ایالتلری دولت باشلیغلری بیرینچی اوچره شووی نیویورک ده اویوشتیریلدی.

امریکا قوشمه ایالتلری دولت باشلیغی جوبایدن نینگ میزبانلیگیده بولیب اوتگن جلسه گه قزاقستان جمهور باشلیغی قاسم جومرت توکایف، اوزبیکستان جمهور باشلیغی شوکت میرضیایف، قرغزستان صدر جباروف، تاجکستان امام علی رحمان و تورکمنستان سردار بیردی محمدوف قتنشدی.

رهبرلر ایلک مرته بولیب اوتگن جلسه ده C5+1 دیالوپی دایره سیده اقتصاد، انرژی و خوفسیزلیک ساحه لریده اورته آسیانینگ مستقل لیگی، تینچ لیگی و برقرارلیگینی ینه ده کوچه یتیریلیشی بوییچه مشترک فعالیت موضوعلرینی تیلگه آلدی.

خوددی شو جلسه ده ستراتیژیک شریکلیک، سیاسی دیالوگ، تجارت، اقتصاد، سرمایه کیریتیش و انسانپرورلیک همکارلیک نینگ ینه ده کوچه یتیریلیشی قاله ویرسه اورواسیاده تینچلیک و برقرارلیک نینگ سقلب آلینیشی موضوعلری کینگ کولملی گپیریلگن.

بوندن 8 ییل مقدم تشقی ایشلر وزیرلری مقیاسیده سمرقندده تشکیل ایتیلگن C5+1 نینگ دولت رهبرلری سویه سیده آلیب باریلگن و اورته آسیا اولکه لری بیلن امریکا قوشمه ایالتلری اورته سیده تورلی ساحه ده آچیق و صمیمی دیالوگ شونده ی بولیب کوچلی همکارلیک نینگ کوچه یتیریلیشی اوچون مهم بیر پلاتفورم وضعیتی گه کیلگن لیگی بیلدیریلدی.

اورته آسیا اولکه لری بیلن امریکا قوشمه ایالتلری اورته سیده گی اقتصادی همکارلیک قاله ویرسه سایبر خوفسیزلیک، ترورچیلیک، خشونت نی اوز ایچی گه آلگن افراطیگرلیک، ناقانونی کوچ و مخدره مواد قاچاقچیلیگی بیلن بیر قطارده خوفسیزلیک معمالری نینگ ییچیمیده همکارلیک نینگ کوچه یتیریلیشی بوییچه موضوعلرنی تیلگه آلگن لیکلری قید ایتیلدی.

جلسه ده سوزگه چیققن توکایف بیرلشگن ملتلر تشکیلاتی نینگ اورته آسیا و افغانستان ده گی منطقوی دایمی رواجلنیش هدفلری مرکزی نینگ آلماتاده ایجاد ایتیلیشی توغریسیده امریکا قوشمه ایالتلری نینگ همکارلیگی گه ایشانگن لیکلرینی معلوم قیلدی.

میرضیایف ایسه تجارت و سرمایه کیریتیش فعالیتلری نینگ کوچه یتیریلیشی، پروژه همکارلیکلری نینگ ایجاد ایتیلیشی، منطقه ده گی ترانسپورت کوریدورلری نینگ کوچه یتیریلیشی، انسان حقلری نینگ تامین ایتیلیشی، تعلیم پروگراملری نینگ کینگه یتیریلیشی، افغانستان ده گی وضعیت نینگ تینچلیک یولی بیلن ییچیش گه کمکلشیش مسئله لریگه اعتبار قره تدی.

جباروف هم جلسه نینگ اوزارا توشونیش و ایشانچ نی کوچه یتیریش، خوفسیزلیک و برقرارلیک نی اورنه تیش، اقتصادی و تجاری همکارلیک نی کینگه یتیریش اوچون مناسب شرطلر یراتیش نی مقصد قیلیب آلیش کیره ک لیگینی افاده ایتیب،

"C5+1 قاله ویرسه امریکا قوشمه ایالتلری بیلن همکارلیک قرغزستان تشقی سیاستی نینگ مهم ساحه لریدن بیرته سی دیر." دیدی.

رحمان ایسه تاباره کوپه ییب بارگن تهدید و قیینچیلیکلر، تروریزم و افراطیلیک که قرشی کوره ش، مخدره مواد قاچاقچیلیگی، منطقوی خوفسیزلیک نینگ اورنه تیلیشی، افغانستان ده گی سیاسی وضعیت و تاجکستان نینگ افغانستان بیلن چیگره سینی قوریقلنیشی موضوعلرینی تیلگه آلیب بو جریانده خلق ارا کمک و همکارلیک نینگ اهمیتی گه اعتبار قره تدی.

جلسه نینگ سونگگیده امریکا قوشمه ایالتلری بیلن اورته آسیا اولکه لری اورته سیده اوزارا توشینیش نینگ چقورلشتیریلیشی و صمیمی شریکلیک نینگ کوچه یتیریلیشی بوییچه کیلیشیب آلیندی.