ایران نینگ ریاض ایلچی خانه سی قیته آچیلدی

ایران نینگ سعودی عربستان ده گی ریاض ایلچی خانه سی 7 ییل آره دن قیته آچیلدی. 

ایران دولت تلویزیونی, ایلچی خانه نینگ آچیلیشی بوییچه مراسم گه ایران تشقی ایش لر وزیری اورینباسری علیرضا بیگدلی نینگ هم اشتراک قیلگن لیگی نی بیلدیردی.  

سعودی عربستانده میلادی 2016- ییل 2- جنوری کونی, آره سیده شیعه عالم نمر النمر نینگ هم موجود بولگن 47 کیشی "تروریزم" عیبلاوی بیلن اعدام ایتیلگن ایدی.

اعدام گه عکس العمل کورستگن ایرانلیک مسئول لر نینگ جوده کوپ بیانات بیریشی آرتیدن سعودی عربستان نینگ تهران ایلچی خانه سی و مشهد شهری ده گی قونسلگرلیک بناسی, ایران ده گی مظاهره چیلر تامانیدن یاندیریب یوباریلگن ایدی. 

اوشبو هجوم لر آرتیدن سعودی عربستان رهبریتی, 3- جنوری کونی ایران بیلن دیپلماتیک مناسبت لر نی توخته تیب قویگن لیگینی بیلدیرگن ایدی.

ریاض و تهران, 7 ییل آره دن کیین 10- مارچ کونی پکن ده چین لیک مسئول لر واسطه سی بیلن دیپلماتیک مناسبت لرنینگ 2 آی مابینیده قیته باشله تیلیشی بوییچه کیلیشیب آلگن ایدی. 

ایران تشقی ایش لر وزیری حسین امیر عبداللهیان بیلن سعودی عربستان تشقی ایشلر وزیری فیصل بن فرحان 6- اپریل کونی اوز ارا اوچره شدی.  اوشبو اوچره شووده عبداللهیان بیلن بن فرحان, ایلچی خان لرنینگ قیته آچیلیشی, اوچاق اوچیش لری نینگ باشله نیشی و ویزه لرنینگ قولایلشتیریلیشی بوییچه کیلیشیب آلگن ایدی. 

ایران, 23- می کونی تشقی ایشلر وزیری نینگ اورینباسری علیرضا عنایت نینگ ریاض ایلچیسی ایتیب تعینلنگن لیگینی بیلدیرگن ایدی.