پاکستانده انتحاری هجوم عاقبتیده کوپلب کیشی اولدی و یره لندی

پاکستانده, بیر پوسته گه قره ته اویوشتیریلگن انتحاری هجوم عاقبتیده 4 کیشی حیاتینی یوقاتدی. 

جیو نیوز نینگ خبری گه کوره, افغانستان بیلن چیگره داش بولگن خیبر پختونخوا ایالتی گه باغلیق جنوبی وزیرستان منطقه سیده بیر پوسته گه قره ته انتحاری هجوم اویوشتیریلدی. 

حادثه عاقبتیده 4 کیشی حیاتینی یوقاترایکن, 2 پولیس ایسه یره لندی. حیاتینی یوقاتگن لرنینگ 3 نفری نینگ خوفسیزلیک کوچلری دن ایکن لیگی بیلدیریلدی. 

حمله نینگ مسئولیتی نی ایسه حاضرچه هیچ بیر تامان اوز بوینی گه آلمه گن. 

خیبر پختونخوا ایالتیده توناون هم گاز سنترالی گه قره ته اویوشتیریلگن هجومده پارامیلیتار کوچلردن 4 نفر و 2 امنیتی پرسونل حیاتینی یوقاتگن ایدی. 

پاکستانده اینیقسه خیبرپختونخوا بیلن بلوچستان ایالتلریده سونگّی آی لرده ترورچیلیک هجوم لری نینگ آرتیب کیتگن لیگی کورینماقده. 

اسلام آباد, اوشبو هجوم لرنینگ افغانستانده جایلشگن پاکستان طالبانی تامانیدن ریجه لنگن لیگی و باشقریلگن لیگینی بیلدیررایکن, افغانستان ایسه مذکور ادعا نی رد ایتماقده. 

پشاورده 30- جنوری ده پیشین نمازی اوقیلیاتگن پیتده مسجدده اویوشتیریلگن انتحاری هجوم عاقبتیده کوپچیلیگی پولیس لردن عبارت توپلم 102 کیشی حیاتینی یوقاتگن ایدی. 

عینی دمده بلوچستانده هم 6- مارچ کونی اویوشتیریلگن هجوم عاقبتیده 10 نفر امنیتی پرسونل جان بیرگن ایدی.