تورکمنستانده یکشنبه کونی سیلاو بولیب اوته دی

تورکمنستانده یکشنبه کونی بولیب اوته دیگن سیلاو آرقه لی تورکمن خلقی پارلمان وکیل لری بیلن بیر قطارده, خلق مصلحتی و محلی رهبرلیک اورگان لری نینگ نماینده لری نی هم سیله یدی. 

توپلم 2 مینگ 644 صندوقده رای بیریلرایکن, تورکمنستان نینگ چیت ایللرده گی دیپلماتیک نماینده لیک لریده هم 42 صندوق قویله دی. 

تورکمنستان پارلمانیده 125, عشق آباد و ولایت خلق مصلحتیده 240, اولسواللیک و تومن سویه سیده گی شهر خلق مصلحتیده 960 و محلی رهبرلیک اورگان لریده 5 مینگ 897 اعضا موجود. 

پارلمانی سیلاو لرده اقتدارده گی تورکمنستان دموکراتیک حزبی, تورکمنستان صنایعچی لر و متشبث لر حزبی بیلن تورکمنستان زراعت حزبی دن عبارت توپلم 3 سیاسی حزب بیلن نادولت تشکیلات لرنینگ کاندید لری رقابت قیله دی. 

پارلمانده گی 125 کرسی اوچون 3 سیاسی حزب دن 175 و نادولت تشکیلات لردن ایسه 83 کیشی دن عبارت توپلم 258 نفر کاندید بولگن. 

عشق آباد و ولایت خلق مصلحتی گه 515, اولسواللیک و تومن سویه سیده گی شهر خلق مصلحتی اوچون 2 مینگ 1, محلی رهبرلیک اورگان لری نینگ نماینده لیک لری گه 12 مینگ 98 نفر کاندید بولگن وضعیتده. 

پارلمان وکیل لری, خلق مصلحتی و محلی رهبرلیک اورگان لری نینگ نماینده لری 5 ییللیک بیر مدت اوچون سیله نه دی. 

تورکمنستانده میلادی 2021- ییلده ایکّی اتاقلیک پارلمان سیستمی گه اوتیلگن ایدی.  لیکن جاری ییل جنوری آییده خلق عالی نماینده لیک اورگانی "خلق مصلحتی" قوریلیب ینه بیر اتاقلیک پارلمان سیستمی گه ایلنتیریلگن ایدی.