پاکستانده بیر مسجدده اویوشتیریلگن انتحاری هجوم عاقبتیده کوپلب کیشی حیاتینی یوقاتدی
اوشبو حادثه خیبر پختونخوا ایالتیده یوز بیردی
پاکستان نینگ خیبر پختونخوا ایالتیده بیر مسجدده اویوشتیریلگن انتحاری هجوم عاقبتیده آره سیده پولیس لرنینگ هم موجود بولگن 17 کیشی حیاتینی یوقاتدی.
پاکستانده ترقه تیلگن خبرلرگه کوره, بیر مسجدده پیشین نمازی اوقیلیاتگن پیتده انتحاری هجوم اویوشتیریلدی.
دستلبکی معلوماتلرگه کوره, اوشبو حادثه عاقبتیده آره سیده پولیس لرنینگ هم موجود بولگن 17 نفر جان بیررایکن, 90 دن آرتیق کیشی ایسه یره لندی.
مسئول لر, یره لنگن کیشی لردن 10 نفری نینگ ساغلیق وضعیتی نینگ یمان ایکن لیگینی معلوم قیلدی.
انتحاری هجوم اویوشتیریلگن پیتده مسجدده 150 گه یقین کیشی نینگ موجود ایکن لیگینی معلوم قیلگن مسئول لر, اولگن کیشی لرنینگ آرتیب کیتیشی بوییچه خواطر بیلدیرماقده.
اوشبو هجوم نینگ مسئولیتینی حاضرچه هیچ بیر تامان اوز بوینی گه آلمه گن.
پاکستان طالبانی, سونگّی پیتلرده هجوملرینی آرتیرگن وضعیتده.
پاکستان طالبانی, 28- نوامبرده اجتماعی ترماق آرقه لی بیرگن بیاناتیده, 10- می ده اسلام آباد رهبریتی بیلن بولگن اوق اوزیش نی توخته تیش نینگ اداققه ییتگن لیگی و منسوبلریگه پاکستانده خوفسیزلیک کوچلری گه قرشی هجوم امری بیریلگن لیگی نی بیلدیرگن ایدی.
پاکستانده, پاکستان طالبانی ترورچی تشکیلاتی اوله راق قبول قیلینماقده.
میلادی 2021- ییل بیلن سالیشتیریگنده میلادی 2022- ییلده پاکستانده ترورچیلیک هجوملری 15 فایزگه آشدی.
علاقه لی ینگی لیکلر
ایران جمهور باشلیغی ابراهیم رئیسی دفن ایتیلدی
ابراهیم رئیسی بیلن تشقی ایشلر وزیری تیک اوچرنینگ قولب توشیشی عاقبتیده حیاتینی یوقاتگندی
تهران ده جنازه مراسمی اوتکزیلدی
جنازه نمازینی اولکه نینگ دینی ییتکچیسی آیت الله علی خامنه یی ادا قیلدیردی