تورکیه - ایران تشقی ایشلر وزیرلری مشترک مطبوعاتی کنفرانس اویوشتیردی

تورکیه تشقی ایشلر وزیری مولود چاووش اوغلی پی کاکا ترور تشکیلاتی گه قرشی کوره ش اوچون ایران بیلن علاقه ده ایکن لیکلرینی ایتدی.

تورکیه جمهوریتی تشقی ایشلر وزیری پایتخت انقره ده ایران تشقی ایشلر وزیری حسین امیر عبدالله یان بیلن اوچره شووی نینگ آرتیدن مشترک مطبوعاتی کنفرانس اویوشتیردی.

تورکیه بیلن ایران اورته سیده گی اوچره شوولرنینگ اوزارا مناسبت گه قوشگن حصه گه دقت تارتگن چاووش اوغلی، "ایران تورت عصردن بیری اوزگرمه ی دوام ایتگن، مشترک چیگره میز بولگن قدیم قوشنیمیز، قرینداش اولکه دیر" دیب ایتدی.

تورکیه تشقی ایشلر وزیری تورکیه بیلن ایران نینگ ترورچیلیک تهدیدی گه دوچ قالگن اولکه لردن عبارت ایکن لیگینی تاکییدله دی و شولرنی ایتدی:

"پی کاکا تهدیدینی اورته دن کوتریب تشلش اوچون تورکیه اوله راق ییترلی چاره – تدبیر آلماقده میز. افسوسکی ایران تامانیده هم پی کاکانینگ موجودیتی بار. بو توغریده هم ایچکی ایشلر وزیرلیگیمیز، خوفسیزلیک باشقروولریمیز، استخباراتیمیز اوتمیشده ییترلی معلوماتلرنی ییتکیزیب بیرگنلر. بیزنینگ تروریستلر بیلن کرد قرینداشلریمیزنی اجره تیب کوره ش آلیب باریشیمیز کیره ک."

ایران تشقی ایشلر وزیری ایسه خوفسیزلیک توغریسیده هم مصلحتلشگن لیکلرینی معلوم قیلیب شونی بیان ایتدی:

"تورکیه بیلن تروریزم گه قرشی کوره ش توغریسیده گی همکارلیگیمیز اینگ یوقاری سویه ده بولگن ساحه دیر" دیب ایتدی.