ایران ده اسرائیل جاسوس لری اوشلنگن

ایران, اسرائیل تشقی استخبارات اداره سی موساد گه باغلیق 5 کیشی لیک جاسوسلیک شبکه سی نینگ انیقله نیب اوشلنگن لیگی نی بیلدیردی. 

ایران رسمی خبر آژانسی ایرنا نینگ امنیه قوماندان لیگی استخبارات اداره سی نینگ بیاناتی گه تَیَنتریب بیرگن خبری گه کوره, اوشبو اولکه ده, "موساد گه باغلیق بیر جاسوسلیک شبکه سی نینگ اعضالری" اوشلندی.

بیاناتده, اوشلنگن اوشبو کیشی لرنینگ فقط گینه استخبارات توپلش اوچون ایمس, عینی دمده ایران ده عمدی یاندیریش و سبوتاژ فعالیت لری بوییچه هم تعلیم آلگن لیک لری بیلدیریلدی. 

عملیاتده, اوشلنگن جاسوس لر گه عاید ایریم ایلغار تجهیزات دن تشقری فرقلی ارتباط واسطه لری نینگ هم قولگه کیریتیلگن لیگی معلوم قیلیندی. 

ایران, اوتگن هفته ده هم تروریزم و سبوتاژ فعالیت لری یوریتیش اوچون ایران گه کیرگن موساد گه باغلیق بیر جاسوسلیک شبکه سی نی اوشله گن لیگی نی بیلدیرگن ایدی.