اوزبیکستان - تورکیه ایچکی ایشلر وزیرلری اوزارا اوچره شوو اوتکزدی

تورکیه جمهوریتی ایچکی ایشلر وزیری سلیمان سویلو، اوزبیکستان نینگ برقرارلیک و تینچ لیگینی تورکیه دن اجره تمه گن لیکلرینی معلوم قیلیب؛

"اولکه میز اوچون نیمه خواهله سک اوشه نرسه نی اوزبیکستان اوچون هم خواهله یمیز" دیدی.

سلیمان سویلو رسمی سفر آرقه لی بارگن اوزبیکستان نینگ پایتختی تاشکینتده اوزبیکستان ایچکی ایشلر وزیری پولاد باباجانوف بیلن اوچره شدی.

سویلو بیلن باباجانوف ایچکی ایشلر وزیرلیگیده گی یوزمه یوز اوچره شوونینگ آرتیدن هیئاتلرارا جلسه گه باشچیلیک قیلدی.

خوددی شو جلسه ده سوز یوروتگن سویلو جنابلری ایککی اولکه اورته سیده گی مناسبت نینگ کینگ – کولملی شریکلیک سویه سیگه ییتیب بارگن لیگینی ایسله تیب شونده ی بولیب ایندی هرکیم گه کتته مسؤلیت توشگن لیگینی قید ایتدی.

سویلو بو یوتوق نینگ رمزی نینگ هر ساحه ده کورستیلگن صمیمیت و قرداشلیک ایکن لیگینی تاکییدله دی.

سویلو "بوگونگی کونده اوزبیکستان ستراتیژیک اورنی، یوروگن یولی و اولاً انسانی یانداشووی ینگی لیک و رواجلنیش بوییچه بویوک آدیملر آتماقده دیر. بو بیزنی خرسند قیلماقده دیر" دیدی.

ایچکی ایشلر وزیری "بیز، اوزبیکستان نینگ برقرارلیک و تینچ لیگینی تورکیه دن اجره تمه یمیز. بیز اولکه میز اوچون نیمه خواهله سک اوشه نرسه نی اوزبیکستان اوچون هم خواهله یمیز" دیدی.

اوزبیکستان ایچکی ایشلر وزیری باباجانوف هم تورکیه ایچکی ایشلر وزیرلیگی نینگ خوفسیزلیک، همجمعیت خوفسیزلیگی، تروریزم گه قرشی کوره ش، جرم گه قول اورگنلرگه قرشی کوره شده گی بیلگی و تجربه لری نینگ اوزبیکستان اوچون اهمیت گه سزوار ایکن لیگینی معلوم قیلیب سونگگی ییللرده همکارلیک نینگ رواجلنتیریلیشی اوچون مهم ادیملر آتیلگن لیگینی قید ایتدی.