ایران ده سیل سببلی کوپلب کیشی حیاتی نی یوقاتدی

ایران نینگ جنوبیده اورین آلگن فارس ولایتیده سیل عاقبتیده 20 کیشی نینگ حیاتی نی یوقاتگن لیگی و 3 نفر نینگ ایسه یوقالگن لیگی بیلدیریلدی. 

ایران رسمی خبر آژانسی ایرنا گه کوره, فارس ولایتی بحران نی باشقریش بولیمی نینگ باشلیغی خلیل عبداللهی سیل بیلن علاقه لی بیانات بیردی. 

عبداللهی, فارس ولایتی نینگ استهبان و داراب شهر لری تیگره گیده سیل سببلی 20 کیشی نینگ حیاتی نی یوقاتگن لیگی, 3 نفر نینگ یوقالگن لیگی و 15 موتر نینگ ایسه سوو نینگ آستیده قالگن لیگی نی بیلدیردی. 

فارس ولایتی قیزیل یریم جمعیتی باشلیغی حسین درویشی, سیل دن 51 اوی نینگ تاثیرلنگن لیگی نی بیلدیررایکن, اوشبو عایله لر گه یاردم ییتکزیب بیریله دیگن لیگی نی معلوم قیلدی.