تورک هوا یوللری نینگ اوچیش ترماغی گه بخارا هم کیریتیلدی

تورک هوا یوللری اوچیش ترماغی گه اورته آسیاده 2 مینگ 500 ییلدن آرتیق تاریخی بولمیش و بیرلشگن ملتلر تشکیلاتی تعلیم، بیلیم و مدنیت گروهی (یونسکو) نینگ«دنیا مدنیت میراثی رویخطی» گه کیریتیلگن اوزبیکستان نینگ قدیم تاریخی شهری بخرانی هم کیریتدی.

تورک هوا یوللری نینگ 339- اوچیش نقطه سی بولمیش بخاراگه ت ک 266 اوچیش نمبری بیلن باریب قونگن ایربس ا321 نیئو مودل اوچاق بخارا قونلغه سیده قیزغین کوتیب آلیندی.

ایلک سفر بولیشی مناسبتی بیلن مراسم آرقه لی فیته کیسیلدی.

مراسمده سوز یوروتگن تورکیه نینگ تاشکینت بویوک ایلچیسی اولگان بیکار استانبول – بخارا سفرلری نینگ خیرلرگه وسیله بولیشینی تمنی قیلدی.

بیکار جنابلری تورک هوا یوللری نینگ بخاراگه سفر اویوشتیریش گه باشله شی نینگ تورکیه بیلن اوزبیکستان آره سیده رواجلنیب بارگن همکارلیک نینگ تاثیری ایکن لیگینی اورغوله دی.

"جمهور باشلیغیمیز رجب طیب ایردوغان تامانیدن اورته گه قوییلگن هدفلرگه بناً تورکیه هوا یوللری اوستی گه توشگن مسؤلیت نی یوتوقلی بیر شکلده بجا کیلتیرماقده دیر. بوگونگی کونده اوزبیکستانده 5 جای گه تورک هوا یوللری نینگ اوچیشلری باشله گن بولدی. اوزبیکستان هوا یوللری هم تورکیه گه اوچیشلرگه دوام ایتماقده. هفته لیک اوچیش سانی 40 گه آشدی. شونده ی بولیب اولکه لریمیز اورته سیده اینیقسه تاریخی توریزم مرکزی بولمیش بخارا بیلن اولکه میز آره سیده ینگی علاقه نینگ آلغه باریشیدن امین من" دیب ایتدی.