تورکیه - تاجکستان مدافعه وزیرلری اوزارا اوچره شوو اوتکزدی

تورکیه ملی مدافعه وزیری خلوصی آقر، تاجکستان مدافعه وزیری جنرال شیرعلی میرزا بیلن اوچره شدی.

آقر رسمی سفر آرقه لی تورکیه گه تشریف بیورگن میرزانی مدافعه وزیرلیگیده عسکری مراسم آرقه لی کوتیب آلدی.

ایککی وزیر یوزمه یوز اوچره شووونینگ آرتیدن هیئاتلر ارا جلسه نینگ باشچیلیگینی آلیب باردی.

بو اوچره شوولرده اوزارا و منطقوی مدافعه، خوفسیزلیک و مدافعه صنایعی ساحه سیده همکارلیک موضوعلری نینگ تیلگه آلینگن لیگی شونده ی بولیب آقر جنابلری نینگ اوزارا مشترک اعتقاد، تاریخی و مدنی مناسبتلرگه دقت قره تگن لیگی و چیگره خوفسیزلیگی بیلن تروریزم گه قرشی کوره ش موضوعلریده همکارلیک که تیار ایکن لیکلرینی تاکییدله گن لیگی بیلدیریلدی.

آقر تاجیک کسبداشی گه ایککی اولکه اورته سیده گی حربی تعلیم همکارلیگی نینگ تاباره کوپه یتیریلیشی نینگ اهمیتینی اورغوله گن لیگی معلوم قیلیندی.

هیئاتلر ارا جلسه نینگ آرتیدن تاجکستان و تورکیه اورته سیده گی حربی کیلیشووگه تورکیه ملی مدافعه وزیری خلوصی آقر بیلن تاجکستان مدافعه وزیری جنرال شیرعلی میرزا تامانیدن قول قوییلگن لیگی قید ایتیلدی.