تورک عسکر لری پاکستانده حربی مراسم گه اشتراک ایتدی
اوشبو مراسم اسلام آباد ده بولیب اوتدی
پاکستان پایتختی اسلام آباده, 23- مارچ پاکستان نینگ ملی کونی مناسبتی بیلن نظامی رژه بولیب اوتدی.
اوشبو نظامی رژه گه پاکستان جمهوررئیسی عارف علوی, باش وزیر عمران خان, پاکستان اردوسی قوماندان لری, تورکیه قوراللی کوچ لری قوماندانی سترجنرال یَشَر گولر, اسلام همکارلیک تشکیلاتی تشقی ایش لر وزیرلری ییغیلیشی اوچون پاکستانده بولگن تشقی ایش لر وزیر لری و باشقه کیشی لر اشتراک ایتدی.
پاکستان عسکر لری نینگ رژه سی جریانیده تانک, رادار, هوا مدافعه تیزیمی و بالیستیک راکت لر نمایش ایتیلدی.
مراسم ساحه سیده هلیکوپتر لر اوچرایکن, اوروش اوچاق لری هم اوز هنر لری نی کورسه تیب بیردی.
بولیب اوتگن نظامی رژه گه تورکیه و آذربایجان دن هم حربی قطعه لر اشتراک ایتدی.
پاکستان جمهوررئیسی عارف علوی, خوددی شوو مراسمده قیلگن معروضه سیده, پاکستان نینگ دوچ کیله دیگن قیین چیلیک لر گه قرشی کوره شیش اوچون ملی بیردملیککه ضرورت حس ایتیلیاتگن لیگی نی بیلدیررایکن, اسلام آباد نینگ منطقه ده تینچلیک و خوفسیزلیک نینگ تامین ایتیلیشی بوییچه مسئولیتی گه دقت قره تدی.
علوی, جامو کشمیرده گی انسان حق لری اخلال لری نی ایسله ترایکن, هندوستان نی بولرنی توخته تیش گه چقیردی.
علاقه لی ینگی لیکلر
ایرانلیک قوشیقچی ینه اعدام گه محکوم قیلیندی
آلدین اوشبو قوشیقچی نینگ اعدام حکمی قماق جزاسی گه ایلنتیریلگن ایدی