روسیه تاجیکستانده حربی تطبیقات باشلتدی

روسیه, تاجیکستان ده گی حربی مرکزی ده تطبیقات باشلتدی. 

روسیه مرکز منطقه حربی قوماندان لیگی تامانیدن بیریلگن بیاناتده, حربی مرکز گه باغلیق "حربی میدان" پلیگونیده باشله گن تطبیقات گه بیر مینگ دن آرتیب عسکر بیلن آره سیده هلیکوپتر لرنینگ هم موجود بولگن 300 گه یقین حربی واسطه نینگ اشتراک ایتیاتگن لیگی بیلدیریلدی. 

اوچ باسقیچده بولیب اوته دیگن اوشبو تطبیقات نینگ بیرینچی باسقیچیده, حربی لر ناقانونی قوراللی گروه لرنی انیقلب یوق ایتیش عملیاتی بوییچه تطبیقات اوتکزه دی.  عینی دمده تطبیقات دایره سیده, سبوتاژ و کشف گروپ لری نینگ هجوم لری نی مغلوبیت گه اوچره تیش و دشمن گه قرشی اوروشیش بوییچه عسکر لر ملکه آشیره دی. 

جاری آی نینگ 18- کونی گه قدر دوام ایته دیگن اوشبو تطبیقات نینگ سونگگی باسقیچیده,  عسکر لر محاربه و مدافعه بیلن تکتیکی فعالیت لر, کشف و هجوم بوییچه تجربه آرتیره دی. 

روسیه نینگ 7 مینگ دن آرتیق عسکری نینگ موجود بولگن تاجیکستان نینگ دوشنبه و باختر شهرلریده جایلشگن روسیه حربی مرکزی, ایکله اولکه اورته سیده گی کیلیشوو دایر سیده میلادی 2042- ییل گه قدر اوز فعالیتی نی دوام ایتتیره دی.