ایران ده یوز بیرگن یانغین نینگ اوچیریلگن لیگی بیلدیریلدی
توناون کونی پایتخت تهرانده جایلشگن نفت خارخانه سیده یانغین یوز بیرگندی
توناون کونی ایران نینگ پایتختی تهران نینگ جنوبیده گی نفت کارخانه سیده یوز بیرگن یانغین نینگ کنترول آستیگه آلینگن لیگی خوددی شو حادثه ده 11 کیشی نینگ یره لنگن لیگی بیلدیریلدی.
ایران دولت تلویزیونی گه بیانات بیرگن ایران نفت وزیری اورینباسری علی رضا صادق آبادی شولرنی ایتدی:
"یانغین یوز بیرگن تولید کارخانه سیده گی اطفائیه گروهی نینگ اورونیشلری نتیجه سیده یانغین اوچیریلدی" دیدی.
تهران عاجل وضعیتلر مرکزی باشلیغی پیمان صابریان ایسه یانغینده مالی تلفات یوز بیرمه گن لیگینی بیراق یره لیلرنینگ موجود ایکن لیگینی معلوم قیلدی.
صابریان " حلی گچه 11 کیشی یره لندی. بولردن 4 ته سی کسلخانه گه انتقال بیرلدی، 7 ته سی ایاق اوستی تداوی قیلیندی" دیب گپیردی.
ایران نفت وزیری بیژن نامدار زنگنه توناون کونی پایتخت تهران نینگ جنوبیده گی نفت کارخانه سیده یوز بیرگن و حلی هم دوام ایتیب تورگن یانغین نینگ تولیدخانه گه زیان ییتکیزمه گن لیگینی ایتدی.
ایران مطبوعاتیده گپیرگن زنگنه تهران نینگ جنوبیده جایلشگن شهید تندگویان نفت کارخانه سیده یوز بیرگن یانغین بیلن تیگیشلی بیانات بیردی. رنگنه شولرنی ایتدی:
"کارخانه ده یوز بیرگن یانغین تولید تاسیساتی گه ایمس ایککی ته دیپوده یوز بیردی. تولیدخانه گه زیان ییتمه دی. یانغین نی اوچیریش اورونیشلری و یانگن دیپولرنینگ اطرافگه زیان ییتکیزمسلیگی اوچون ساووتیش اورونیشلری دوام ایتماقده" دیدی.
نفت وزیری زنگنه یانغین نینگ ایککی ته دیپوده بولگن هایدرو کاربون بولیمیده دوام ایتیشی نینگ کوتیلگن لیگینی معلوم قیلدی.
علاقه لی ینگی لیکلر
ایران جمهور باشلیغی ابراهیم رئیسی دفن ایتیلدی
ابراهیم رئیسی بیلن تشقی ایشلر وزیری تیک اوچرنینگ قولب توشیشی عاقبتیده حیاتینی یوقاتگندی
تهران ده جنازه مراسمی اوتکزیلدی
جنازه نمازینی اولکه نینگ دینی ییتکچیسی آیت الله علی خامنه یی ادا قیلدیردی