تورکیه – اوزبیکستان تشقی ایشلر وزیرلری نینگ اوچره شووی بولیب اوتدی

تورکیه جمهوریتی تشقی ایشلر وزیری مولود چاووش اوغلی بیلن اوزبیکستان تشقی ایشلر وزیری عبدالعزیز کامل اوف اوچره شدی.

پایتخت تاشکینت ده ایککی اولکه تشقی ایشلر وزیرلری هیئاتلر ارا اوچره شوولرده تورکیه بیلن اوزبیکستان اورته سیده گی یوکسک سویه لی ستراتیژیک همکارلیک کینگشی نینگ کون ترتیبی تیلگه آلیندی.

چاووش اوغلی هیئاتلر ارا اوچره شووی آلدی بیرگن بیاناتده تاشکینت گه بارمه ی توروب سفری نینگ مدنیت بولیمیده خیوه بیلن سمرقندنی کیزیب تورکیه نینگ سمرقند باش قونسلخانه سینی آچگن لیکلرینی ایسله تیب بو جریانده همراهلیک قیلگن کامل اوف گه منتدارچیلیک بیلدیردی.

بوگون مشترک ستراتیژیک ریجه لش گروهی جلسه سینی اویوشتیره جکلرینی معلوم قیلگن چاووش اوغلی جنابلری؛

"یوکسک سویه لی ستراتیژیک همکارلیک کینگشی ایککینچی جلسه سی تیارگرلیگینی باشلتر ایکن جلسه ده قبول قیلیب آلینگن قرارلرنینگ و قول قویگن کیلیشوولرنینگ عملی قیلینیشینی طلب ایتگن بوله میز. تورک کینگشی، افغانستان و ایریم منطقوی موضوعلرنی هم تیلگه آله میز" دیدی.

کامل اوف هم مقصدلری نینگ تورکیه بیلن اوزبیکستان اورته سیده گی ستراتیژیک همکارلیک نی رواجلنتیریش ایکن لیگینی ایتدی.

کامل اوف چاووش اوغلی نی جمهور باشلیغی شوکت میرضیایف نینگ قبول قیلیب ملاقات قیله جگینی اونینگ آرتیدن هم باش وزیر اورینباسری سرمایه کیریتیش و تشقی تجارت وزیری سردار اومورزاکوف بیلن اوچره شه جگینی معلوم قیلدی.