تورکیه نینگ حکاری ولایتی ده بیر عسکر شهید بولدی

تورکیه جمهوریتی نینگ حکاری ولایتیده, ایران دن اوق اوزیلیشی نتیجه سیده بیر تورک عسکری شهید بولدی. 

تورکیه ملی مدافعه وزیرلیگی تامانیدن بیریلگن یازمه بیاناتده, حکاری ولایتی نینگ یوکسک اوه منطقه سیده کوزه توو فعالیت لری جریانیده, ایران دن اوق اوزیلیشی نتیجه سیده ایککی عسکر نینگ یره لنگن لیگی و بیر عسکر نینگ کسلخانه ده شهید بولگن لیگی بیلدیریلدی. 

بیاناتده, "بیز لرنی قیغو گه غرق قیلیب قویگن اوشبو حادثه عاقبتیده حیاتی نی یوقاتگن عزیز شهیدی میز گه الله دن رحمت, قیغولی عایله سی, تورکیه قوراللی کوچ لری و اصیل ملتی میز گه تسلیت بیلدیریب صبر تیلرایکن, یره لنگن پرسونلی میز گه ایسه عاجل شفا لر تیلب قاله میز" دییه قید ایتیلدی.