هندوستان و چین عسکر لری اورته سیده توقنه شوو یوز بیردی

هندوستان نینگ شمالشرقیده, چین و هندوستان عسکر لری اورته سیده توقنه شوو یوز بیردی. 

خوددی شوو حادثه عاقبتیده 20 نفر هندوستان عسکری هلاکت گه اوچره دی. 

ANI خبر آژانسی, لداخ ده گی گلوان وادی سیده هندوستان بیلن چین عسکر لری اورته سیده ققشتگیچ توقنه شوو لر یوز بیرگن لیگی و اوشبو حادثه عاقبتیده کوپلب کیشی نینگ هلاک بولگن لیگی نی بیلدیردی.

حکومت منبع لری, حادثه عاقبتیده آره سیده بیر نفر منصبدار نینگ هم موجود بولگن 20 نفر هندوستان عسکری نینگ جان بیرگن لیگی نی معلوم قیلگن.  بو, سونگگی 45 ییل ده ایککی اولکه اورته سیده یوز بیرگن اینگ قتتیق اوروش بولگن. 

ANI خبر آژانسی, چین تامانیدن هم 43 دن آرتیق عسکر نینگ اولگن لیگی یاکه یره لنگن لیگی نی ادعا ایتدی. 

هندوستان نینگ چین چیگره سیده جایلشگن لداخ منطقه سیده حاکمیت حق لری بیلن علاقه لی کیلیشمووچیلیک 2017- ییلده اوج آلگن ایدی. 

ایککی اولکه اورته سیده گی 3 مینگ 500 کیلومتر مربع لیک چیگره نینگ بویوک بولیمی, حاکمیت حق لری جهتی دن بحث و مناظره گه سبب بولماقده. 

پکن رهبریتی, هندوستان نینگ آرو ناچال پرادش ایالتی ده گی 90 مینگ کیلومتر مربع لیک توپراق ده حق ایگه سی ایکن لیگی نی ادعا ایترایکن, ینگی دهلی رهبریتی ایسه آقسای چین بلندلیک لری نی قمره گن 38 مینگ کیلومتر مربع لیک ساحه نینگ چین تامانیدن اشغال ایتیلگن لیگی نی ادعا ایتماقده. 

اوشبو مسئله نینگ اوزاق مدت دن بیری دوام ایتیب کیلیاتگن مذاکره لر نتیجه سیده ییچیله آلمه گن لیگی کوزه تیلماقده.