ایرانلیک قومندان سلیمانی نینگ جنازه دفن ایشی کیینگه تشلندی
کرمان ده گی جنازه مراسمی تیقینچلیک باعث کیینگه تشلندی.
ایران نینگ کرمان شهریده قدس کوچی قومندانی سلیمانی نینگ جنازه مراسمیده 35 کیشی جان بیردی.
جنازه مراسمی اوچون شهر مرکزی و اطراف شهرلردن یوز مینگلب کیشی کیلیشیشی بیلن یوز بیرگن تیقینچلیک عاقبتیده 48 کیشی نینگ اولگن لیگی بیلدیریلدی.
یوز بیرگن حادثه باعث جنازه مراسمی توخته تیلیب دفن ایشی کیینگه تشلندی.
سلیمانی نینگ جنازه سی توناون کونی پایتخت تهرانده اوتکزیلگن مراسم نینگ آرتیدن اوز مملکتی کرمان گه جونه تیلگن ایدی.
کرمانده گی جنازه مراسمی اوچون شهر مرکزی و اطراف شهرلردن یوز مینگلب کیشی کیلیشدی. مراسمده گه قتنشگن انقلاب قوریقچیلری قومندانی حسین سلامی، قیلگن صحبتیده انتقام آلیش بوییچه قسم ایچگندی.
امریکا قوشمه ایالتلری مدافعه وزیرلیگی (پینتاگون) تامانیدن 3- جنوریده ایران انقلاب قوریچیلری اردوسی قدس کوچلری قومندانی قاسم سلیمانی نی بغداد قونلغه سی نینگ یقینیده اویوشتیریلگن هجوم آرقه لی اولدیریلگن لیگی بیلدیریلگندی.
علاقه لی ینگی لیکلر
ایران ده بیر بلدیه باشلیغی اولدیریلدی
اوشبو بلدیه باشلیغی رضا مسعودی نینگ اوز اوییده اولدیریلگن لیگی بیلدیریلدی