جمهوررئیس اردوغان: امریکا بیلن ایران اورته سیده گی بحران سببلی خواطرلنماقده میز

تورکیه جمهوریتی جمهوررئیسی رجب طیب اردوغان, عراق ده گی حادثه باعث امریکا قوشمه ایالت لری بیلن ایران اورته سیده باشله گن بحران سببلی خواطرده ایکن لیک لری نی معلوم قیلدی. 

جمهوررئیس اردوغان, خصوصی بیر تلویزیون بیلن قیلگن مصاحبه سیده کون ترتیبی ده گی مسئله لرنی بهالنتیردی. 

اردوغان, ایران لیک جنرال قاسم سلیمانی نینگ امریکا قوشمه ایالتلری نینگ عملیاتی بیلن "معنی لی بیر شکلده عراق ده" اولدیریلگن لیگی نینگ سبب بولگن ریسک لرنینگ عراق و همده منطقه جهتی دن خواطر گه سبب بولیاتگن لیگی نی بیلدیردی. 

تورکیه نینگ اوشبو بحران نینگ کمیتیریلیشی اوچون ایریم تشبث لر قیلگن لیگی نی بیلدیرگن جمهوررئیس اردوغان, ایران و عراق رهبر لری گه معتدل بیر سیاست آلیب باریش لری نی توصیه ایتگن لیگی نی معلوم قیلدی. 

جمهوررئیس اردوغان, هردایم تشقی مداخله گه مخالف ایکن لیک لری نی معلوم قیلرایکن, سلیمانی حادثه سی بیلن علاقه لی هم خوددی شونده ی بیر سیاست گه ایگه ایکن لیک لری نی بیلدیردی. 

عملیات نینگ اویوشتیریلگن پنجشنبه کونی کیچقرون تلفن آرقه لی امریکا قوشمه ایالت لری دولت رهبری دونالد ترامپ بیلن صحبت ایتگن لیک لری نی بیلدیرگن اردوغان, "ایران بیلن بولگن مناسبت لرنی بحرانی لشتیرمس لیگی نی توصیه ایتگن ایدیم.  4- 5 ساعت کیین ایسه بونده ی بیر حادثه یوز بیردی" دییه قید ایتدی. 

برچه تامان لرنینگ متضرر بولمسدن اوشبو بحران نینگ کنترول آستیگه آلینیشی کیره ک ایکن لیگی نی بیلدیرگن اردوغان, 8 جنوریده تورکیه گه تشریف بویوره دیگن روسیه جمهوررئیسی ولادیمیر پوتین بیلن اوشبو خصوصده صحبت ایته دیگن لیگی نی معلوم قیلدی. 

جمهوررئیس اردوغان, "بیر اولکه نینگ و بیر دولت نینگ اینگ یوقاری مرتبه لی بیر قوماندانی نی اولدیریش گه جواب بیریلمس لیگی نینگ هر حالده ممکن ایمس لیگی نی اویله ماقده من" دییه قید ایتدی. 

بیریلگن بیر سئوال گه جواب قیترگن جمهوررئیس اردوغان لیبیا بیلن بولگن بیر کیلیشوو دایره سیده تورک عسکر لری نینگ تدریجی بیر شکلده اوشبو اولکه گه کیتیاتگن لیگی نی معلوم قیلدی.