تورکیه: امریکا قوشمه ایالتلری - ایران اورته سیده گی بحران منطقه نینگ تینچ لیگی گه زیان ییتکیزه دی

تورکیه، امریکا قوشمه ایالتلری – ایران اورته سیده گی بحران باعث قیغولنگن لیگینی بیلدیردی.

تشقی ایشلر وزیرلیگی، امریکا قوشمه ایالتلری نینگ ایران انقلاب محافظلر اردوسی نینگ قدس کوچی وقومندانی قاسم سلیمانی نی اولدیریشی بیلن تیگیشلی بیانات بیردی.

اینیقسه عراق نینگ توقنه شوو میدانی وضعیتی گه آلیب کیلیش نینگ هم عراق نینگ همده منطقه نینگ تینچ و بردملیگی گه ضرر بیره جگی توغریسیده آگاهلنتیردی.

"بو دایره ده ایران انقلاب محافظلر اردوسی نینگ قدس کوچی وقومندانی قاسم سلیمانی اونینگ همراهلری بولگن قطارگه بوگون ایرته لب بغدادده امریکا قوشمه ایالتلری تامانیدن اویوشتیریلگن هوائی عملیات نینگ منطقه ده گی تینچ سیزلیک و بردم سیزلیک نی کوپه یتیریشی انیق. منطقه میزده استقرارنی خطرگه تشلاوچی بو کبی آدیملرنینگ زوروانلیک نی کوپه یتیره جگی و بوندن برچه تامانلرنینگ ضرر کوره جگی بیلینیشی کیره ک" دیب ایتیلگن.

تورکیه نینگ منطقه ده تشقی مئاخله لر، سوئ قصدلر و مذهبچیلیک توقنه شوولریگه هردایم قرشی ایکن لیگی اورغولندی. برچه تامانلرنی عمومی معناده عقل سلیم بیلن حرکت قیلیش گه، منطقه نینگ تینچلیک و بردملیگینی برهم اورووچی آدیملردن اوزاق توریش گه و دیپلوماسی گه اولویت بیریلیشی گه دعوت ایتیلدی.