اوزبیکستانده بولیب اوتگن سیلاونینگ نتیجه لری اعلان قیلیندی

اوزبیکستان سیلاو اداره سی باشلیغی میرزا اولوغ بیک عبدالسلام اوف، توناون کونی بولیب اوتگن ملت وکیل لیک سیلاویده لیبرال دموکراتیک حزبی نینگ 43، ملی ترقیات حزبی نینگ 35، عدالت اجتماعی دموکرات حزبی نینگ 21، خلق دموکرات حزبی نینگ 18 و اوزبیکستان ایکولوجی حزبی نینگ 11 ملت وکیل چیقرگن لیگینی بیلدیردی.

عبدالسلام اوف، چیت ایلده گی اوزبیکستان وطنداشلری بیلن بیر قطارده سیلاوگه قتنشگن لرنینگ سانینی 67،8 فایز ایکن لیگینی معلوم قیلیب، 13 میلیون 355 مینگ 911 سیلاوچی نینگ رای بیرگن لیگینی ایتدی.  

اولکه مقیاسیده 150 حوزه نینگ 128 ته سیده بیرینچی دورده ملت وکیللرنینگ سیلنگن لیگینی معلوم قیلگن عبدالسلام اوف، 22 حوزه ده گی 2 کاندیددن هیچ بیرته سی نینگ 50 فایزدن آرتیق رای آلالمه گن لیگینی بو ایککی کاندید اورته سیده ایککی هفته کیین ایککینچی دور سیلاو بولیب اوته جگینی بیلدیردی.

عبدالسلام اوف، سیاسی حزبلر آلگن رای مقداری حقیده معلومات بیرمه گن حالده، سیلاو بیلن تیگیشلی قانون بوزرلیک و سیلاو قانوونی بوزرلیگی توغریسیده شکایتلرنینگ موجود ایکن لیگینی و بونینگ سیلاوگه تاثیر قالدیرمه گن لیگینی افاده ایتدی.

"ینگی اوزبیکستان ینگی سیلاولر" شعارلری بیلن آلیب باریلگن سیلاولرده، اولکه ده گی 5 سیاسی حزبدن 750 کیشی مجلس گه یول تاپیب 150 چوکینی قولگه کیریتیش اوچون رقابت قیلدی. اینگ کوپ رای قولگه کیریتگن حزب باش وزیرنی انیقلب جمهور باشلیغی تصدیق قیلیشی اوچون تقدیم ایتیش فرصتینی قولگه کیریته دی.