مشرف گه اعدام جزاسی بیرگن قاضی نینگ چیتلنتیریلیشی اوچون اساسی قانون محکمه سی گه مراجعه قیلینه دی

پاکستان عدالت وزیری محمد فاروق نسیم، سابق جمهور باشلیغی پرویز مشرف نی اعدام جزاسی بیرگن خاص محکمه قاضی لریدن پشاور عالی محکمه سی قاضیسی وقار احمد سیته نینگ چیتلنتیریلیشی اوچون حکومت نینگ اساسی قانون محکمه سیگه مراجعه قیله جگینی بیلدیردی.

خاص محکمه تامانیدن اعدام جزاسی توغریسیده اعلان قیلگن قرارنینگ آرتیدن مطبوعاتی کنفرانس اویوشتیرگن نسیم، قرار متنیده سیته نینگ امضاسی بولگن قسمده گی "مشرف اعدام ایتیلمه ی اولسه جنازه سی 3 کونگچه آسیب قوییلسین" عباره سینی قتتیق قاره له دی.

سیته نینگ روحیه سی نینگ قاضی لیک قیلیش گه مناسب ایمس ایکن لیگینی اورغوله گن نسیم، "بیر قاضی قنداغ قیلیب بونقه قرار آله دی بیلمه یمن. سیته بو قراری بیلن سالم روحیه سی بولمه گنینی کورستماقده دیر" دیدی.

نسیم، سیته نینگ بیاناتی نینگ انسان شرفینی قوریقلش اساسی گه، اساسی قانون و اسلام قاعده لریگه ضد ایکن لیگینی ایتدی.

نسیم، پاکستانده گی هیچ بیر قانونده بیر مجرم نینگ ویا جنازه سی نینگ اوچ کونگچه آسیب قویلیشی بیلن تیگیشلی بیر ماده بولمه گنینی اورغوله دی.

اساسی قانون محکمه سیگه سیته نینگ چیتلنتیریلیشی اوچون مراجعه قیله جکلرینی بیلدیرگن نسیم، "سیته بو ایش اوچون ایترلی ایمس دیر و هیچ بیر عدلی و قضائی محکمه ده جای آلمس لیگی کیره ک. حکومت اوله راق اساسی قانون محکمه سیگه و عالی قضا کینگیشی گه سیته نینگ وظیفه دن چیتلنتیریلیشی اوچون مراجعه قیله میز" دیب افاده ایتدی.