حسن روحانی نینگ اوکه سی فساد جرمی بیلن قماققه محکوم ایتیلدی

ایران جمهوررئیسی حسن روحانی نینگ معلوم بیر مدت مصلتچیسی بولیب ایشله گن اوکه سی حسین فریدون, "فساد" جرمی بیلن 5 ییل آزاد لیک دن محروم ایتیلدی. 

فارس خبر آژانسی, قضایی ارگان لر سوزچیسی غلام حسین اسماعیلی نینگ, پایتخت تهران ده ترتیب له گن مطبوعاتی جریانیده بیرگن بیاناتیده, حسین فریدون نینگ 5 ییل قماققه محکوم ایتیلگن لیگی نی بیلدیرگن لیگی نی معلوم قیلدی.  اسماعیلی, فریدون نینگ قماق جراسی نینگ 7 ییل دن 5 ییل گه توشیریلگن لیگی نی بیلدیرگن. 

1989 و 1997 ییل لری آره سیده ایران نینگ کوالالامپور ایلچیسی بولگن فریدون, جمهوررئیس روحانی نینگ مخالف لری تامانیدن "فساد, پاره خورلیک و صلاحیتی بولمه گن حالده بانک رئیسی تعین ایتیش" بیلن عیبلَنماقده ایدی. 

فریدون 2017- ییل جولای آییده فساد عیبلاوی بیلن اوشله نرایکن, قیسقه بیر مدت کیین ایسه ضمانت بیلن قویب یوباریلگن ایدی. 

روحانی گه یقین کیشی لر ایسه فریدون گه قره تیلگن عیبلاو لرنینگ سیاسی ایکن لیگی نی بیلدیرماقده. 

ایران جمهوررئیسی حسن روحانی, 1979 – ییلده گی اسلامی انقلاب آرتیدن "فریدون" بولگن تخلصی نی "روحانی" شکلیده اوزگرتگن ایدی.