تحریم لرنینگ دوام ایتیشی تقدیرده ایران امریکا بیلن مذاکره قیلمیدی

ایران جمهوررئیسی حسن روحانی امریکا قوشمه ایالتلری رهبریتی نینگ تحریم لری نینگ دوام ایتیشی تقدیرده, مذاکره نینگ هیچ قنده ی بیر معنی سی بولمیدیگن لیگی نی معلوم قیلدی. 

روحانی, تلفن آرقه لی فرانسه لیک کسبداشی امانوئل ماکرون بیلن اوچره شدی. 

اوشبو اوچره شوو جریانیده اساساً هسته ای کیلیشوو و امریکا قوشمه ایالتلری بیلن مذاکره توغریسیده سوز یوریتیلدی. 

امریکا نینگ خلق ارا کیلیشوو دن عبارت هسته ای کیلیشوو دن واز کیچیب اوز مسئولیت لری نی بجا کیتیرمه گن لیگی نی بیلدیرگن روحانی, "ایران حکومتی, پارلمانی و خلقی تحریم لرنینگ دوام ایتیشی تقدیرده, امریکا قوشمه ایالتلری بیلن مذاکره نینگ هیچ قنده ی بیر معنی گه ایگه ایمس لیگی نی اویله ماقده" دییه قید ایتدی. 

ایران نینگ تشله گن اوچینچی قدمی نینگ خلق ارا اتم انرژی سی آژانسی نظارتی آستیده دوام ایته دیگن لیگی و آرقه گه قدم تشلش نینگ ممکن ایکن لیگی نی معلوم قیلگن روحانی, "اوروپا بیرلیگی اولکه لری بیلن کیلیشیب آلیشی میز تقدیرده, هسته ای کیلیشوو ده گی وعده لری میز گه وفا قیله میز.  ایران بیلن 5+1 اولکه لری اورته سیده گی ییغیلیش هم تحریم لرنینگ بیکار قیلینیشی تقدیرده گینه ممکن بوله دی خلاص" دییه قید ایتدی. 

ماکرون هم ینگی کیلیشوو اوچون امریکا قوشمه ایالتلری مقام لری بیلن مذاکره قیلیاتگن لیک لری نی بیلدیررایکن, فرانسه نینگ هسته ای کیلیشوو نینگ تطبیق ایتیلیشی اوچون قولیدن کیله دیگن برچه سعی و حرکت لرنی قیله دیگن لیگی نی معلوم قیلدی. 

عینی دمده ماکرون کیلیشوو نینگ تامین ایتیلیشی اوچون بوندن کیین فرانسه نینگ تشلیدیگن قدم لری باره سیده روحانی گه معلومات بیردی.