انگلستان دینگیز قراقچیلیگی بیلن عیبلَندی

ایران نینگ دینی رهبری علی خامنه ای, ایران نینگ پطرول تانکری نی توخته تیب قویگن انگلستان نی دینگیز قراقچیلیگی بیلن عیبله دی. 

خامنه ای ایران نینگ انگلستان نینگ اوشبو عملی گه قرشی عکس العمل کورسه ته دیگن لیگی نی بیلدیردی. 

جبل الطارق تنگه سیده ایران نینگ پطرول تانکری نی توخته تیب قویگن انگلستان حکومتی نی قتتیق تنقید قیلگن خامنه ای, "انگلستان دینگیز قراقچیلیگی قیلیب کیمه میز نی اوغیرله ماقده.  آلدین جرم گه مرتکب بولیب, کیین ایسه اوشبو جرم اوچون قانونی یول قیدیرماقده.  ایران اوشبو شیطان لیک لر گه مطلق صورتده جواب قیتره دی. اوز وقتیده اویغون بیر جواب بیریله دی" دییه قید ایتدی. 

غربی اولکه لرنینگ کبرلی ایکن لیگی نی بیلدیرگن خامنه ای اوز سوز لرینی, "بیز بیلن اوروپا بیرلیگی اورته سیده گی اساسی معما خوددی شوو کبر دن عبارت.  مقابلی ده گی دولت ضعیف بیر دولت بولسه ایدی, کبرلری نتیجه بیرر ایدی.  بیراق اوشبو دولت نینگ اولرنینگ حقیقتی نی بیلگن و اولر گه مقاومت قیلیاتگن بیر دولت دن عبارت بولگن لیگی اوچون مذکور اولکه لر مغلوب بولماقده" شکلیده دوام ایتتیردی.

تشقی ایش لر وزیری محمد جواد ظریف نینگ دیپلماتیک قاعده لر نی بیلگن لیگی نی معلوم قیلگن خامنه ای, اوروپا بیرلیگی اولکه لری نینگ اوز وعده لری گه وفا قیلمه گن لیگی بیلدیردی.