ایندی تورکیه بیلن ایران قاچاق مهاجرت گه قرشی مشترک روشده کوره شه دی

ترور تشکیلات لری, مخدره مواد و قاچاق مهاجرت گه قرشی کوره ش بیلن چیگره لرده خوفسیزلیک نینگ تامین ایتیلیشی بوییچه اوز ارا همکارلیک خصوصیده تورکیه و ایران اورته سیده بیر کیلیشوو گه قول قویلدی. 

تورکیه جمهوریتی عمومی امنیه قوماندانی جلال اوزون قایا, ایران پایتختی تهران ده ایران پولیس کوچ لری قوماندانی جنرال حسین اشتری بیلن اوچره شدی.

خوددی شوو اوچره شوو آرتیدن ترور تشکیلات لری, مخدره مواد و قاچاق مهاجرت گه قرشی کوره ش بیلن چیگره لرده خوفسیزلیک نینگ تامین ایتیلیشی بوییچه اوز ارا همکارلیک خصوصیده تورکیه و ایران اورته سیده بیر کیلیشوو امضالندی.

اوزون قایا, تورکیه و ایران پولیسی نینگ بیر یقه دن باش چیقاریب بیر بیر لری نینگ تجربه لریدن فایده له نیشی تقدیرده, مشترک معما لرنینگ ییچیلیشی بوییچه کتته موفقیت لر قولگه کیریته دیگن لیک لری گه ایشانیاتگن لیگی نی بیلدیردی. 

جنرال اشتری ایسه, چیگره لرنینگ خوفسیزلیگی, مجرم لرنینگ تاپشیریلیشی و جنایت شبکه لری نینگ مرتکب بولیاتگن جرم لرگه قرشی کوره ش توغریسیده جوده یخشی بیر اوچره شوو بولیب اوتگن لیگی نی معلوم قیلدی.