امریکا اورته شرققه اون مینگلب عسکر یوبارماقچی

امریکا قوشمه ایالتلری نینگ, اورته شرققه گه 120 مینگ عسکر جونه تیش نی ریجه لیاتگن لیگی ادعا قیلیندی. 

نیویورک تایمز روزنامه سی, امریکا قوشمه ایالتلری نینگ, اورته شرقده گی کوچ لری گه قوشیمچه قیلیب اوشبو منطقه گه 120 مینگ عسکر جونه تیش نی پلانلیاتگن لیگی نی بیلدیردی. 

خبرده, اوشبو عسکر لرنینگ ایران تامانیدن حمله قیلینیشی یاکه تهران رهبریتی نینگ هسته ای قورال بوییچه فعالیت لری نی آرتیریشی تقدیرده منطقه گه جونه تیلیش نینگ ریجه له نیاتگن لیگی معلوم قیلیندی. 

عینی دمده خبرده, اوشبو پلان نینگ پنجشنبه کونی امریکا مدافعه وزیرلیگی سرپرستی پاتریک شاناهان تامانیدن دونالد ترامپ رهبریتی گه تقدیم قیلینگن لیگی بیلدیریلدی. 

اسمی ذکر ایتیلمه گن منبع لر گه تینتیریلیب بیریلگن خبرده, امریکا قوشمه ایالتلری دولت رهبری دونالد ترامپ نینگ یوقاریه مرتبه لی مشاور لری بیلن بولیب اوتگن ییغیلیشده مطرح بولگن اوشبو پلان نینگ, ایران نینگ اشغالی نی قمره مه گن لیگی معلوم قیلیندی. 

روزنامه بیلن مصاحبه قیلگن مبنع لر, بونده ی بیر عملیات اوچون ینه ده کوپراق عسکر گه ضرورت ایکن لیگی نی بیلدیردی.  بیراق, اوشبو دایره ده بحث موضوعی بولگن عسکر سانی نینگ هم 2003 – ییلده جورج بوش دوریده عراق نینگ اشغالی اوچون منطقه گه جایلشتیریلگن حربی لر سانی بیلن تقریباً تینگ ایکن لیگی بیلدیریلماقده.

واشنگتن رهبریتی نینگ اورته شرققه 120 عسکر جونه تیشی بوییچه ادعا نینگ امریکا قوشمه ایالتلری بیلن ایران اورته سیده گی مناسبت لرنینگ بحرانی بولگن بیر پیتده مطرح بولگن لیگی کورینماقده.