زلمی خلیلزاد تینچلیک مذاکره لری توغریسیده هندوستان مقام لری بیلن اوچره شدی

امریکا قوشمه ایالتلری نینگ افغانستان بوییچه خاص نماینده سی زلمی خلیلزاد, طالبان بیلن آلیب باریلیاتگن تینچلیک مذاکره لری توغریسیده هندوستان مقام لری بیلن اوچره شدی. 

هندوستان تشقی ایشلر وزیرلیگی سوزچیسی راویش کومار, خلیلزاد نینگ ینگی دهلی گه تشریف بویورگن لیگی و دوحه ده گی تینچلیک مذاکره لری توغریسیده هندوستان مقام لری بیلن اوچره شگن لیگی نی معلوم قیلدی. 

کومار, هندوستان نینگ یقین کیله جکده مهم اهمیت گه ایگه اورتاق لر بیلن همکارلیک قیله دیگن لیگی نی هم بیلدیردی. 

خلیلزاد نینگ, هندوستان تشقی ایش لر وزیری سوشما سواراج, ملی خوفسیزلیک مشاوری اجیت دوال و باشقه یوقاری مرتبه لی مسئول لر بیلن اوچره شگن لیگی بیلدیریلدی. 

امریکا قوشمه ایالتلری نینگ ینگی دهلی سفارتی ایسه, خلیلزاد نینگ اوشبو اوچره شوو لر دایره سیده تینچلیک مذاکره لری بوییچه خلق ارا مقیاسده گی موافقت توغریسیده بحث قیلگن لیگی نی معلوم قیلدی. 

سفارت, خلیلزاد نینگ, افغانستان نینگ ترورچیلیک فعالیت لری اوچون بیر مرکز اوله استفاده قیلینمس لیگی, منطقه ده تینچ لیک نینگ تامین ایتیلیشی و منطقه مقیاسیده گی تجارت حجمی نینگ آرتیریلیشی باره سیده بحث قیلگن لیگی نی بیلدیردی.