اوزبیکستان, افغانستان تینچ لیک مذاکره لری گه میزبان لیک قیلیش گه تیار

اوزبیکستان, افغانستان حکومتی بیلن طالبان اورته سیده گی تینچ لیک مذاکره لری گه میزبانلیک قیلیش گه تیار ایکن لیگی نی بیلدیردی. 

اوزبیکستان تشقی ایشلر وزیری عبدالعزیز کاملوف, رسمی بیر سفر بیلن افغانستان پایتختی کابل گه تشریف بویوردی. 

کاملوف, افغانستان جمهوررئیسلیک قصریده جمهوررئیس محمد اشرف غنی تامانیدن قبول قیلیندی. 

جمهوررئیس غنی, منطقه اولکه لری اورته سیده مشترک فعالیت آلیب باریلیشی نینگ منطقه ده تینچ لیک نینگ تامین ایتیلیشی بوییچه مهم ایکن لیگی نی معلوم قیلدی. 

غنی, افغانستان ده تینچ لیک نینگ اورنه تیلیشی بوییچه سعی و حرکت قیلگن لیگی اوچون اوزبیکستان گه منتدارچیلیک بیلدیردی.

کاملوف, "طالبان نینگ قبول قیلیشی تقدیرده, حکومت بیلن طالبان اورته سیده گی تینچ لیک مذاکره لری گه میزبان لیک قیلیش گه تیارمیز" دییه قید ایتدی. 

عینی دمده کاملوف, اولکه سی نینگ اقتصاد, تجارت و ترانسپورت ساحه لری بوییچه هم افغانستان بیلن بولگن مناسبت لری نی مستحکم لشتیریش نی آرزو قیلیاتگن لیگی نی معلوم قیلدی.