اوزبیکستانده خلق ارا قوراللی کوچلر قومندانلری نینگ ییغینی بولیب اوته دی

امریکا قوشمه ایالتلری مرکزی کوچلر CENTCOM قومندانی جوزیف ووتل، اوزبیکستانگه سفر قیلیب باردی.

جوزیف ووتل، اوزبیکستان جمهور باشلیغی شوکت میر ضیایف بیلن پایتخت تاشکینتده اوچره شدی.

ایرته گه (22 فبروری جمعه کونی) تاشکینتده اویوشتیریله دیگن اورته و جنوبی آسیا مملکتلری قوراللی کوچلری قومندانلری جلسه سی گه قتنه شیش اوچون اوزبیکستان گه بارگن ووتل، جمهور باشلیغی میرضیایف تامانیدن قبول قیلیندی.

میرضیایف، اوتگن ییلی اوتکزیلگن اوزبیکستان – امریکا قوشمه ایالتلری یوقاری سویه لی اوچره شوولرنینگ ایککی مملکت اورته سیده کینگ کولملی ستراتیژیک شریک لیک نینگ ینگی باسقیچی نینگ باشله تگن لیگینی معلوم قیلیب، CENTCOM تامانیدن ترتیب ایتیلگن اورته و جنوبی آسیا مملکتلری قوراللی کوچلری قومندانلری جلسه سی نینگ بوگونکی کونده اینگ مغلق مسئله دیب اتلگن افغانستان بحرانی گه ییچیم تاپیش اوچون کتته فرصت ایکن لیگینی افاده ایتدی.  

اوزبیکستان بیلن امریکا قوشمه ایالتلری اورته سیده گی عسکری، تخنیک و خوفسیزلیک ساحه لری بوییچه همکارلیک مسئله لری مطرح بولگن خوددی شو اوچره شووده ووتل نینگ مذکور جلسه نینگ تاشکینتده اویوشتیریلیشی گه حصه قوشگن میرضیایف گه منتدارچیلیک بیلدیردی.

ووتل، اوشبو جلسه ده اورته آسیا منطقه سیده تینچ لیک و برقرارلیک نینگ اورنه تیلیشی بوییچه شریکلیک تامین ایتیلیشی مقصدی بیلن ستراتیژی وجودگه کیله جگی گه ایشانگن لیگینی اورغوله دی.

ووتل اوچره شوولری دایره سیده اوزبیکستان مدافعه وزیری بهادر قربانوف بیلن هم ملاقات قیلدی.

عیندمده اوزبیکستان قوراللی کوچلری اکادیمیسینی کوریب چیقدی.