ایران حکومتیده تورکمن لر گه ینه ده کوپراق اورین اجره تیله دی
اوشبو مطلب نی ایران جمهوررئیسی حسن روحانی بیلدیردی
ایران جمهوررئیسی حسن روحانی, اولکه ده گی سنی لر و تورکمن لر گه حکومتده ینه ده کوپراق اورین اجره تیلیشی کیره ک ایکن لیگی نی بیلدیررایکن, اوشبو خصوصده قاطع ایکن لیک لری نی معلوم قیلدی.
استعدادلی تورکمن و سنی لردن فرقلی ساحه لر بوییچه استفاده قیلینیشی کیره ک ایکن لیگی نی معلوم قیلگن روحانی, "سنی لر و تورکمن لرنینگ حکومتده ینه ده کوپراق اورین ایگه سی بولیشی کیره ک ایکن لیگی نی اویله ماقده میز. اوشبو دایره ده استعدادلی انسان لری میزدن فایده له نیشی میز کیره ک. اولرنینگ حقی بار. حکومتی میز نینگ اولکه نینگ جنوبی و شمالیده گی محروم منطقه لر بیلن علاقه لی سعی و حرکت لری آرتیب کیتگن وضعیتده. ایرانده تورکمن لرنینگ یشیاتگن منطقه لر محروم منطقه لردن عبارت" دییه قید ایتدی.
اوشبو دایره ده حکومت نینگ مهم ایشلر قیلگن لیگی نی معلوم قیلگن روحانی, حاضرگی کونده ایرانده تورکمن لر, سنی لر و عیال لردن عبارت ایلچی لر, اولسوال لر, والی اورینباسر لری و عمومی رئیس لر نینگ موجود ایکن لیگی نی بیلدیردی.
عینی دمده روحانی اوشبو جهتده گی سعی و حرکت لرنینگ دوام ایتیشی کیره ک ایکن لیگی نی بیلدیررایکن, "دولت رهبریتیده عیال لرگه 30 فایز اورین اجره تیلیشی کیره ک" دییه قید ایتدی.
