ایران نینگ پاکستان حدودیده 14 کیشی خوفسیزلیک اعضاسی نینگ اختطاف قیلینگن لیگی بیلدیریلدی

ایران دولت تلویزیونی، سیستان و بلوچستان ایالتیده جایلشگن میرجاوه شهری نینگ حدودیده 14 کیشی خوفسیزلیک اعضاسی نینگ ایرته لب تانگ وقتی ترورچیلر تامانیدن قاچقیریلگن لیگینی خبر بیرماقده.

قاچیریلگن اوشبو کیشی لردن 7 ته سی بسیج جنگریسی، 5 ته سی نینگ حدود قوریقچیسی و 2 ته سی نینگ ایسه انقلاب محافظ اردوسی استخبارات منسوبی ایکن لیگی معلوم قیلیندی.

سیستان و بلوچستانده فعالیت قیلیب تورگن "جیش العدل" آتیده گی گروه اجتماعی ترماقده گی آدرسی آرقه لی حادثه نینگ مسؤلیتینی اوز بوینی گه آلدی.

خوفسیزلیک اعضالری نینگ پاکستان تامانگه آلیب باریلگن لیگی بیلدیریلماقده.

انقلاب محافظلری اردوسی تامانیدن موضوع بیلن تیگیشلی بیریلگن یازمه بیاناتده، بیر گروپ بسیج جنگریسی و عسکرنینگ "ترور جنگریلری" تامانیدن میرجاوه ده آلیب قاچیریلگن لیگی بیلدیریلدی.

مذکور بیاناتده، پاکستان حکومتیدن حدودلریده فعالیت قیلیب تورگن "ترور تشکیلاتلری" گه قره ته حرکت گه اوتیشی و اختطاف بولگن عسکرلرنینگ آزاد ایتیلیشینی تامین ایتیشی خواهلندی.

ایران "ترور تشکیلاتی" دیب اعلان قیلگن "جیش العدل" مملکتده گی "سنی بلوچ خلقی نینگ حقلریدن مدافعه قیلگن لیگینی" ادعا ایتیب تهران اداره سیگه قرشی قوراللی کوره شگه باشله گن دیر.

خوددی شو گروه اوتگن ییل اپریل آییده 1 کیشی ایران عسکرینی اختطاف قیلگن ایدی.

اوشبو عسکر 15 اگستده آزاد ایتیلگن ایدی.