ایرانده بیر کونلیک ماتم ایتیب اعلان قیلیندی

ایران وزیرلر کینگشی، خوزستان ایالتی نینگ اهواز شهریده گی ترورچیلیک حادثه سی باعث مملکتده بوگون بیر کونلیک عزادارچیلیک ایتیب اعلان قیلیندی.

ایران جمهور رئیس لیگیدن بیریلگن بیاناتده، شنبه کونی اهواز شهریده اویوشتیریلگن ترورچیلیک هجومی باعث، وزیرلر کینگشی نینگ مملکتده بیر کونلیک ماتم ایتیب اعلان قیلگن لیگینی بیلدیردی.

حادثه ده اولگنلرنینگ بوگون آلیب باریلگن مراسملر آرقه لی توپراققه تاپشیریلگن لیگی معلوم قیلینگن عین دمده اولگنلرنینگ عایله لریگه قیغوداشلیک بیلدیریلگن.

ایران نینگ خوزستان ولایتی نینگ عربلرنینگ نفوسی کوپراق بولگن اهواز شهریده اوتگن کونی ایران – عراق اوروشی نینگ 38 – ییل لیگی مناسبتی بیلن اوتکزیلگن عسکری مراسم گه قوراللی هجوم اویوشتیریلگن ایدی. خوددی شو حادثه ده 17 کیشی عسکر توپلم 25 کیشی اولیب 60 کیشی یره لنگن ایدی.

باشقه تاماندن ایران استخبارات وزیری محمود علوی، اوشبو حادثه گه قول اورگن بعضی بیر کیشی لرنینگ قولگه آلینگن لیگینی ایتدی.

حادثه ده حیاتینی یوقه تگن 25 کیشی نینگ اهوازده گی جنازه مراسمی گه حکومت دن نماینده لیک قیلیب اشتراک ایتگن علوی، هجوم گه قول اورگن 4 کیشی نینگ اولگن لیگینی بیلدیردی.

ایران استخبارات وزیری، هجومنی نینگ آرقه سیگه کیم بولسه همه سینی تثبیت قیله جکلرینی تیلگه آلدی.