پاکستان طالبان نی مذاکره گه مجبور قیله دی
اوشبو مطلب نی پاکستان مقاملری بیلدیردی
پاکستان طالبان نی تینچ لیک مذاکره لری گه مجبور قیلیش اوچون قولیده گی برچه امکانیت لردن فایده له نه دیگن لیگی نی معلوم قیلدی.
پاکستان باش وزیری عمران خان سعودی عربستان نینگ خبری بیر ترماغی بیلن قیلگن مصاحبه سیده قوشنی لر بیلن یخشی علاقه لر قوریش نی آرزو ایتیاتگن لیک لری نی معلوم قیلرایکن, افغانستانده تینچ لیک نینگ تامین ایتیلیشی گه طرفدار ایکن لیک لری نی بیلدیردی.
اوشبو اولکه نینگ تشقی ایشلر وزیری محمود قریشی ایسه امریکا قوشمه ایالتلریگه قیلگن سفری جریانیده بیرگن بیاناتلریده, "قولی میزده گی برچه نفوذی میز دن فایده له نه میز. افغانستانده تینچ لیک و برقرارلیک نینگ اورنه تیلیشی بوییچه مثبت بیر فکر گه ایگه میز. افغانستان و پاکستانده تینچ لیک نینگ تامین ایتیله دیگن لیگی گه ایشانماقده میز" دییه قید ایتدی.
بیراق افغانستانده گی تحلیلچی لر پاکستان نینگ خلق ارا جامعه نینگ باسیم لری سببلی بونده ی وعده لر بیریاتگن لیگی نی بیلدیرماقده.
